Жасалған мәмілелер нәтижесінде акционер Тлек Әльжанов акционер Елена Жармұхановадан 177 722 акцияны (дауыс беретін акциялардың 9,99 %-ы) және акционер Дана Шестакованың иелігіндегі 88 950 акцияны (дауыс беретін акциялардың 5 %-ы) сатып алды.
Аталған мәмілелерден кейін Тлек Әльжановтың Компанияның жарғылық капиталындағы жиынтық үлесі 444 394 акцияны құрап, бұл дауыс беретін акциялардың 24,98 %-ына тең болды.
«Standard Life» өмірді сақтандыру компаниясы» АҚ 2007 жылдан бері Қазақстанның қаржы нарығында жұмыс істеп келеді. Компания активтер көлемі бойынша өмірді сақтандыру саласындағы сақтандырушылар арасында жетінші орында (≈ 48,6 млрд теңге) және реттеуші капитал көлемі бойынша сегізінші орында (≈ 8,5 млрд теңге). Fitch агенттігінің деректері бойынша, Standard Life өмірді сақтандыру нарығындағы барлық сақтандыру сыйлықақыларының шамамен 3,6 %-ын және нарық активтерінің 4,3 %-ын бақылайды.
Сурет ашық дереккөздерден алынған
