Мұндай препараттарға соңғы жылдары сұранысы күрт артқан Wegovy (Novo Nordisk) және Zepbound (Eli Lilly) жатады. Сарапшылардың болжамынша, онжылдық соңына қарай олардың жылдық жиынтық сатылымы 150 млрд АҚШ долларына жетуі ықтимал.
Swiss Re атап өткендей, салмақ азайтуға арналған жаңа дәрілер медициналық және өмірді сақтандыру компаниялары үшін «айтарлықтай салдарға» ие болады. Егер сақтандыру саласы адамдарды өмір салтын өзгертуге және семіздікпен байланысты аурулардың алдын алуға ынталандыра алса, бұл сақтандыру жүйесін нығайтып, адамдардың ұзақ әрі сау өмір сүруіне мүмкіндік береді.
Компания зерттеуіне сәйкес, GLP-1 препараттарын ұзақ әрі белсенді пайдалану өмір салтын өзгертумен қатар жүрсе, АҚШ-та өлім-жітім 2045 жылға қарай 6,4%-ға төмендеуі мүмкін. Ал пессимистік сценарийде бұл көрсеткіш небәрі 2,3%-ды құрайды.
Ұлыбритания үшін өлім-жітімнің төмендеуі 2045 жылға қарай 1,8%-дан 5,1%-ға дейін болжануда. Бұл дәрілерді қолдану ауқымына және өмір салтының өзгеру деңгейіне байланысты.
Swiss Re АҚШ пен Ұлыбританияны семіздіктің кең таралуы және жаңа препараттарды белсенді қолдануы себепті зерттеу нысаны ретінде таңдаған.
Дереккөз: Reuters
Фотосурет ашық дереккөздерден алынған
