Жаңа нормалар сақтандырушыларды бағдарламалық қамтамасыз етудің қауіпсіздігін күшейтуге міндеттейді, бұл олардың деректерін өңдеу кезінде азаматтар үшін қосымша қорғаныс болады.
"Қаулымен сақтандыру (қайта сақтандыру) ұйымының веб-қосымшалары мен мобильді қосымшаларын әзірлеу кезінде, сондай-ақ оларды пайдалану кезінде қауіпсіздікті қамтамасыз ету тәртібі қосымша айқындалған. Сақтандыру (қайта сақтандыру) ұйымының мобильді қосымшалары операциялық жүйенің қорғаныс тетіктерін бұзу белгілері анықталған немесе клиенттің құрылғысын қашықтан басқару анықталған жағдайда қашықтықтан қызмет көрсетуге тосқауыл қоюы көзделеді", - делінген ведомствоның хабарламасында.
Құжатта сақтандырушыларды ҚНРДА салалық ақпараттық қауіпсіздік орталығының ақпарат алмасу жүйесіне қосу бойынша қосымша талаптар айқындалған, бұл сақтандыру ұйымының ақпараттық қауіпсіздікті басқару жүйесінің жай-күйі, сондай-ақ ақпараттық қауіпсіздік оқиғалары мен инциденттері туралы ақпаратты онлайн-режимде алуға мүмкіндік береді.
Ашық дереккөзден алынған сурет
