Делдалсыз сақтандырушымен дауласу бекер, себебі менеджерлер шешім қабылдамайды. Алайда
сақтандыру төлемін нарықтың бітістіруші соты – сақтандыру омбудсманының көмегімен ұлғайтуға
болады.
Сақтандыру омбудсманы – өз қызметінде тәуелсіз жеке тұлға, ол сақтандырушылар және олардың клиенттері арасындағы дауларды реттеумен айналысады.
Қазақстанда Сақтандыру омбудсманы институты ТМД елдері арасында алғашқы болып құрылды.
2019 жылдың 29 қарашасынан бастап ҚР сақтандыру омбудсманы болып Павел Завалко жұмыс
істейді.
Сақтандыру омбудсманы қандай мәселелерді шешеді сақтанушылар (сақтандырылған адамдар, пайда алушылар) - жеке тұлғалардың және (немесе) шағын кәсіпкерлік субъектілерінің сақтандыру компанияларымен болған келіспеушіліктерін реттеу, бұл ретте талап ету сомасы АЕК-нің 10 мың еселенген мөлшерінен аспауы тиіс;
сақтандыру ұйымдарының арасындағы дауларды реттеу;
заңды тұлғалар мен сақтандырушылардың КҚИ АҚЖ дауларын реттеу.
Сақтандыру омбудсманының шешімі сақтандыру ұйымының орындауы үшін міндетті. Яғни,
сақтандырушы уәкілетті органның немесе соттың шешімін орындағандай, сақтандыру
омбудсманының шешімін орындауға міндетті.
Сақтандыру омбудсманына қалай хабарласуға болады
Сақтандыру қызметтерін тұтынушылар сақтандыру омбудсманының кеңсесіне жүгіне алады:
телефоны: (727) 382-41-74
электрондық поштасы office@omb.kz
сайт: www.insurance-ombudsman.kz
мекенжайы: Алматы қ., Рысқұлбеков к-сі 28/7, «Бай-Тал» ТК аумағы, 2-ші қабат
Жұмыс алгоритмі
Өтініш беріліп, құжаттар пакеті ұсынылғаннан кейін сақтандыру омбудсманы істерді қарауға дайындауды ұйымдастырады және қажет болған жағдайда, тараптардан жазбаша түсіндірме,
дәлелдер және басқа да қосымша құжаттар сұратады. Бүкіл құжаттарды алғаннан кейін іс
бойынша тыңдалым тағайындалады, оған дау тараптары шақырылады.
Тыңдалым қорытындысы бойынша шешім шығарылады. Сақтандыру омбудсманының шешімі дау тараптарына шешімнің қарар бөлігін ауызша жариялағаннан кейін бес жұмыс күні ішінде жазбаша
жеткізіледі.
Дереккөзі: https://prodengi.kz/post/cto-delat-esli-ne-soglasen-s-vyplatoi-straxovshhika
Сурет ашық дереккөздерден
