"Ағымдағы жылдың бірінші қарашасында бұл сала сақтандыру нарығының жиынтық активтерінің ең көп үлесін алады, атап айтқанда 52,5%. Соңғы бес жылда сала активтері 2 еседен астам өсіп, 1,5 трлн теңгеге жетті. Бұл мемлекет субсидиясымен МБЖЖ шеңберінде жинақтаушы білім беру сақтандыру өнімі, бірлескен және кейінге қалдырылған зейнетақы аннуитеттері сияқты жаңа әлеуметтік бағдарланған сақтандыру өнімдерін енгізудің арқасында болды", - деп нақтылады Мария Хаджиева.
Өмірді сақтандыру саласы бойынша сақтандыру төлемдері соңғы бес жылда 5 есеге, атап айтқанда 21-ден 91 млрд теңгеге дейін ұлғайды. Төлемдердің негізгі көлемі қызметкерлерді жазатайым оқиғалардан міндетті сақтандыруға және өмірді ерікті сақтандыруға тиесілі.
Бүгінгі таңда қазақстандықтарға кейінге қалдырылған зейнетақы аннуитеті шарттары мен бірлескен зейнетақы аннуитеттерін қоса алғанда, зейнетақы аннуитеттік сақтандыру саласындағы сақтандыру өнімдерінің кең тізбесі қолжетімді.
"Кейінге қалдырылған зейнетақы аннуитеті сақтанушыларға 55 жастан бастап ай сайынғы өмір бойы төлем жасау құқығымен 45 жастан бастап шарт жасасуға мүмкіндік береді. Бірлескен зейнетақы аннуитеті зейнетақы аннуитетін сатып алу және өмір бойы тұрақты табыс алу үшін жақын туыстарының (жұбайларының) Зейнетақы жинақтарын біріктіруге мүмкіндік береді. Ағымдағы жылдың бірінші қарашасына 106 мың зейнетақы аннуитеті шарты қолданылады, олардың жалпы сақтандыру сыйлықақысы 655,4 млн теңгені құрайды", - деп атап өтті Мария Хаджиева.
Сақтандыру жағдайы басталған жағдайда, мысалы, ата-анасының табысынан айырылуы немесе кенеттен қайтыс болуы жағдайында сақтандыру компаниясы жинақталған сомаға қарамастан баланың оқу ақысын толық төлеуге кепілдік береді. МБЖЖ бағдарламасына өмірді сақтандыру бойынша бес компания (Халық-Life, Freedom Finance Life, Еуразия, Nomad Life, Standard life) қатысады. МБЖЖ енгізілген сәттен бастап халық 635,2 млн теңге сомасына 2 908 сақтандыру шартын жасасты.
2023 жылғы қарашада заңнамалық түзетулер қабылданды, соның арқасында Ұлттық қордан балаларды өмірді жинақтаушы білім беру сақтандыруы шеңберінде оқытуға арналған нысаналы жинақтарды пайдалануға мүмкіндік туды.
"Қазіргі уақытта ҚР Парламенті Мәжілісінде МБЖЖ шартын 5 жастан асқан балалар үшін 60 АЕК (ХӘОТ санаты үшін 120 АЕК) мөлшерінде мемлекеттен бір реттік бастапқы капиталмен толықтыруға мүмкіндік беретін түзетулер қаралуда. Бұл қаражат балаларды оқыту үшін қаражат жинауға бағытталатын болады. Сақтандыру делдалдары комиссиясының мөлшерін реттеу арқылы тұтынушылардың құқықтарын қорғау", - деп қорытындылады ҚНРДА төрағасының орынбасары.
Ашық дереккөзден алынған сурет
