Қаржы министрлігі 1938 жылғы Insurance Act-ке бірқатар өзгерістер енгізуді ұсынады. Олардың қатарында FDI шегін көтеру, жарғылық капиталға қойылатын талаптарды азайту, сондай-ақ бірнеше сақтандыру қызметін бір лицензия аясында көрсетуге мүмкіндік беретін бірыңғай лицензияны (composite license) енгізу бар.
Сонымен қатар, заңнамалық базаны кешенді түрде жаңарту аясында 1956 жылғы Life Insurance Corporation Act және 1999 жылғы Insurance Regulatory and Development Authority Act заңдарына да өзгерістер енгізіледі.
Соңғы жылдары Үндістан сақтандыру нарығын біртіндеп ашып келеді: 2015 жылы FDI лимиті 26%-дан 49%-ға, 2021 жылы 74%-ға дейін көтерілген болатын. Енді билік толық шетелдік капиталға жол ашуға дайын. Қазіргі таңда елде 25 өмірді сақтандыру және 34 жалпы сақтандыру компаниясы жұмыс істейді.
Сарапшылардың бағалауынша, секторды толық либерализациялау ондаған миллиард доллар инвестиция тартуға, бәсекелестікті күшейтуге, сақтандыру қызметтерін цифрландыруға және халыққа қолжетімділікті арттыруға мүмкіндік береді. Дегенмен, кейбір жергілікті ойыншылар трансұлттық корпорациялар үстемдігі ұлттық компаниялардың рөлін әлсіретуі мүмкін деп алаңдаулы.
Дереккөз: Asia Insurance Review
Фото ашық дереккөздерден алынған
