Деректерге сәйкес, 2024 жылдың қаңтарында АҚШ долларының орташа айлық бағамы 451,3 теңгені құраса, 2025 жылдың тамыз–қазан айларында 539–540 теңгеге дейін күрт өсті. Бұдан кейін кері түзету байқалды. Ұқсас жағдай басқа валюталарда да болды: еуро 2024 жылы 492,5 теңгеден 2025 жылдың күзінде 626–634 теңгеге дейін көтерілді, британдық фунт 730 теңгеден асты, қытай юані 75–76 теңгеге дейін жетті, ал ресейлік рубль 6,7 теңгеге дейін өсті.
Жыл басы теңгенің біршама нығаюымен басталды. Қаңтарда доллар, еуро және рубльдің орташа айлық бағамдары 0,5–0,7%-ға төмендеді, ал юань мен фунт, керісінше, 0,3%-ға өсті.
Ақпанда (24 ақпандағы дерек бойынша) үрдіс өзгерді: барлық негізгі валюталар теңгеге қатысты әлсіреді. Ең көп арзандаған — фунт: 2,5%-ға (671,6 теңгеге дейін). Еуро бағамы 1,8%-ға (586,7 теңгеге дейін), рубль — 1,7%-ға (6,5 теңгеге дейін) төмендеді. АҚШ доллары 0,7%-ға арзандап, 497,3 теңгеге дейін түсті. Юань бағамы іс жүзінде өзгеріссіз қалды — 72 теңге (минус 0,1%).
Сарапшылардың айтуынша, салыстырмалы түрде тыныш кезеңдердің өзінде динамика сезімтал әрі біркелкі емес болып қалады, бұл валюта нарығын әрі жоғары тәуекел, әрі қосымша мүмкіндіктер алаңына айналдырады.
Кім және қандай валюталарды сатып алады
2025 жыл бойынша айырбастау пункттеріндегі «таза» сатылымдарды (нетто-сатылымдарды) талдау қызықты үрдістерді көрсетті:
АҚШ доллары жинақ үшін негізгі валюта болып қала береді: жылдық нетто-сатылым көлемі 1,9 трлн теңгені құрады (2024 жылғы деңгейде). Ең жоғары көрсеткіш желтоқсанда тіркелді — 322,8 млрд теңге;
еуро — маңыздылығы бойынша екінші валюта, бірақ оған сұраныс көбіне тактикалық сипатта. Нетто-сатылымдар 2024 жылғы 207,3 млрд теңгеден 2025 жылы 162,9 млрд теңгеге дейін төмендеді;
ресейлік рубль ерекше динамика көрсетті: 2025 жылдың бүкіл кезеңінде нетто-сатылымдар теріс аймақта болды (минус 311,4 млрд теңге). Бұл халықтың рубльді жаппай сатып алмай, керісінше өткізіп отырғанын білдіреді;
қытай юані мен британдық фунт нишалық құралдар ретінде қалып отыр, олардың жылдық айналымы доллармен салыстырғанда жүздеген есе аз (тиісінше 1,7 млрд және 3,9 млрд теңге).
Фото ашық дереккөздерден
