«Соңғы уақытта Қазақстанда сақтандыру және телефон алаяқтығы жағдайлары жиілеп кетті. Сенімге кіру үшін алаяқтар өздерін құқық қорғау органдарының, банктердің қызметкерлері немесе сақтандыру компаниясының агенттері ретінде таныстыруы мүмкін және тіпті телефон нөмірін ауыстыра алады. Сіз тіпті айырмашылықты байқамайсыз – ол таныс компаниядан қоңырау болып көрінуі мүмкін. Негізгі мақсат – сіздің дербес деректеріңіз бен ақшаңызды иелену», - деп жазады KM Life ӨСК.
ҚР ІІМ деректеріне сәйкес, 2022 жылғы мамырда Қазақстанда интернет-алаяқтық осы жылдың қаңтарымен (1179 оқиға) салыстырғанда шамамен 8 есеге (8240 қылмыстық құқық бұзушылық) өскен. «Қылмыстар жиі әлеуметтік желілерде болады, ол жерде қаскүнемдер түрлі сылтаумен азаматтардың банктік шоттарынан қаражатты шешу үшін және жалған кредиттерді рәсімдеу үшін олардың дербес және төлем деректерін алуға тырысады. Осындай жағдайлардан қазақстандықтарды қауіпсіздендіру мақсатында, ҚР Қаржы нарығын реттеу және дамыту агенттігі таныстыру және оқыту жобаларының бірқатарын әзірледі. Атап айтқанда, fingramota.kz сайтында «Абайлаңыз, алаяқтар» арнайы бөлімі жасалды», - деп хабарлайды Freedom Finance Life.
Қаскүнемдер өздерін мемлекеттік органдардың, оның ішінде Ұлттық Банктің, ішкі істер министрлігінің және ҚР Бас прокуратурасының, түрлі банктердің және өзге қаржы ұйымдарының қызметкерлері ретінде таныстыруы мүмкін. «Сіздерден қырағы болуды және үшінші тұлғаларға өздеріңіздің дербес деректеріңізді немесе өзіңіздің қаржылық жағдайыңыз туралы мәліметтерді ашпауды, төлем карталарының деректерін, пин-кодтарды хабарламауды сұраймыз», - деп ескертті Халык-Life-та.
Nomad Life-та телефонмен сөйлесу кезінде қаржы ұйымдарының өкілдері ретінде таныстыратын адамдармен барынша мұқият болуға кеңес береді: «Тұзаққа түспес үшін, банктің немесе сақтандыру компаниясының ресми сайтында қандай акциялары өзекті екенін мұқият тексеру қажет. Егер ресми дереккөздерде жаңа акция туралы ешқандай ақпарат болмаса, онда оған қатысудан бас тартқан жөн. Сонымен қатар, өзіңіздің жеке мәліметтеріңізді ешкімге беруге болмайды. Және есте сақтаңыз, сіздің ақшаңыз – бұл сіздің жауапкершілігіңіз».
Сурет ашық дереккөздерден
