Есеп беру кезеңінде тауарлардың экспорты 2019 жылдың 9 айындағы көрсеткішпен салыстырғанда 18,2%-ға 35,3 млрд АҚШ долларына дейін қысқарды. Экспорттың қысқаруы мұнай мен газ конденсаты экспортының төмендеуімен байланысты. Тауарлар импорты 9,6%-ға 26,4 млрд АҚШ долларына дейін төмендеді. Оның төмендеуі инвестициялық және аралық тауарларды әкелудің қысқаруына байланысты. Нәтижесінде сауда балансының оң сальдосы 36,0%-ға азайды және 9,0 млрд АҚШ долларын құрады.
2020 жылғы 9 айдың қорытындысы бойынша мұнай бағасының төмендеуінің және COVID-19 пандемиясының әсерінен тікелей шетелдік инвесторларға төленетін кіріс 10,2 млрд АҚШ долларына дейін 36,8%-ға төмендеді. Кірістердің төмендеуі ағымдағы шоттың одан әрі нашарлауын тежеді.
Қаржы шоты бойынша капиталдың таза әкелінуі (Ұлттық Банктің резервтік активтерімен операцияларды қоспағанда) 2020 жылғы 9 айда 9,3 млрд АҚШ долларын құрады, 2019 жылғы 9 айдағы таза әкетілу 2,3 млрд АҚШ долларын құрады. Әкеліну, негізінен «Тенгизшевройл» ЖШС-ның болашақта кеңейтілетін жобасын іске асыруды қаржыландыруды жалғастырумен, ҚР Қаржы Министрлігінің тәуелсіз облигацияларды орналастыруымен және ҚР Ұлттық қорының операцияларымен қамтамасыз етілді.
Резервтік активтер (ҚР Ұлттық қорының активтерін есептемегенде) 2020 жылғы 1 қазандағы жағдай бойынша 33,8 млрд АҚШ долларына бағаланды, бұл қазақстандық тауарлар мен көрсетілетін қызметтер импортының 8,7 айын қаржыландыру қажеттілігін өтейді.
Дереккөзі: https://www.nationalbank.kz/ru/news/informacionnye-soobshcheniya/10548
Сурет ашық дереккөздерден
