2024 жылғы бірінші қыркүйекте активтер құрылымында ең көп үлесті бағалы қағаздар – 74,2% (2,1 трлн теңге, оның ішінде мемлекеттік бағалы қағаздар – 38,7%), Екінші деңгейдегі банктердегі ақшалай қаражат пен салымдар – 4,5% (124 млрд теңге), сақтандыру дебиторлық берешегі – 5,2% (144 млрд теңге) алады.
"Валюталар бөлінісінде сақтандыру ұйымдарының активтеріндегі ең үлкен үлесті ұлттық валютадағы активтер – 74,5%, АҚШ долларында – 24,4%, еурода – 0,6% алады. Бұл ретте өмірді сақтандыру компанияларының ұлттық валютасындағы активтер олардың активтерінің 81,5%, жалпы сақтандыру компанияларында - 67,3% құрайды. Өмірді сақтандыру компанияларының активтері АҚШ долларымен – 18,2%, жалпы сақтандыру компанияларының активтері – 30,7%", - делінген хабарламада.
2024 жылдың басынан бастап жеке және заңды тұлғалар бойынша жасалған сақтандыру шарттарының саны 14 847 мың шартты құрады, бұл 2023 жылдың ұқсас кезеңімен салыстырғанда 36,3% - ға артық. Негізгі өсім жазатайым оқиғалардан сақтандыру (3 284 мың шарт, 152,9% өсім) және өмірді сақтандыру (578 мың шарт, 30,1% өсім) жөніндегі шарттарға тиесілі.
Ашық дереккөзден алынған сурет
