Заң жобасын Австралияның қаржы министрі Дэниел Мулино жариялады. «Бұл бастама қоғам өкілдерімен, медицина қызметкерлерімен және генетикалық зерттеушілермен кеңескеннен кейін қабылданды және генетикалық зерттеулер мен технологияларға инвестиция салуға деген міндеттемемізді тағы да растайды», — деді министр.
Оның айтуынша, генетикалық тестілеу көптеген аурулардың, соның ішінде қатерлі ісік пен тұқым қуалайтын синдромдардың алдын алуға, диагностикалауға, емдеуге және бақылауға көмектесіп, өмірді сақтап қалуы мүмкін. Заң жобасы австралиялықтардың мұндай тесттерді өтуіне, оны сақтандыру алу мүмкіндігіне әсер етуі мүмкін деген алаңдаушылық кедергі болмауы керектігін анық көрсетеді.
«Біз заңнаманың тыйым мақсатына жетуін қамтамасыз еткіміз келеді. Бұл австралиялықтарға өмірді сақтандыруға қатысты салдарынан қауіптенбей, өмірді құтқаратын генетикалық тестілерден өтуге сенімділік береді», — деп толықтырды Дэниел Мулино.
Заң жобасының негізгі тармақтары:
-
Толық тыйым: өмірді сақтандыруға қатысты шешім қабылдауда сақтандыру компаниялары генетикалық тесттердің жағымсыз нәтижелерін сұратуға немесе пайдалануға құқығы болмайды.
-
Қатаң жауапкершілік: тыйымды бұзған жағдайда айтарлықтай айыппұлдар мен азаматтық-құқықтық жауапкершілік қарастырылған.
-
Реттеуші бақылауы: тыйымның орындалуын Австралияның бағалы қағаздар және инвестициялар жөніндегі комиссиясы (ASIC) қадағалайды.
Бастама сала тарапынан қолдау тапты. Австралияның өмірді сақтандырушылар кеңесі (CALI) жүргізген сауалнамаға сәйкес, сақтандыру компанияларының 97%-ы тыйымды қолдап, мұндай деректерді андеррайтинг процесінде пайдалануды орынсыз деп санайды.
Дереккөз: Asia Insurance Review
Фото ашық дереккөздерден
