bs-preloader__icon
ru kz en

Forbes Kazakhstan сақтандырушылардың рейтингін жариялады

Forbes Kazakhstan Қазақстан мен Орталық Азиядағы KPMG-дің қолдауымен өмірді сақтандыру компанияларының рейтингін жариялады. Тоғыз көрсеткіш бойынша Топ ӨСК-ні жалпы синтетикалық 25 баллмен (бір жыл бұрын екінші болған) Nomad Life ӨСК басқарды.
Forbes Kazakhstan сақтандырушылардың рейтингін жариялады

Жиынтық сыйлықақылар бойынша көшбасшы 60,9 млрд теңге жинаған Nomad Life ӨСК шықты. Сақтандыру сыныптары бөлігінде өмірді сақтандыру бойынша сыйлықақылардың ең көп жиыны Қазақстан Халық Банкінің «Халык-Life» Өмірді сақтандыру жөніндегі ЕК-да болды. 2019 жылмен салыстырғанда ол 35,2 млрд теңге жинап, сыйлықақыларды 5%-ға ұлғайтты. Аннуитеттік сақтандыру сыныбында сыйлықақылардың көлемі бойынша көшбасшы Nomad Life ӨСК болды. Компанияның сақтандыру сыйлықақыларының көлемінде 51 млрд теңгеге дейін, 12,7%-ға өсім тіркелді. 2020 жылдың қорытындылары «Өмірді сақтандыру» бағыты бойынша сақтандыру төлемдерінің бір жыл бұрын 1,8 млрд теңгеден - 58,3%-ға, 4,4 млрд теңгеге дейін ұлғаюын көрсетті. 

1. «Nomad Life» ӨСК» АҚ

S&P Global Ratings: BB +/ Тұрақты (19.10.2020)

Басқарма төрағасы: Қайрат Чегебаев

Портфельдің үлкен үлесі: зейнетақы аннуитеті, өмірді сақтандыру

2020 жылдың қорытындысы бойынша Nomad Life ӨСК «Халык-Life» ӨСК-ні озып, өмірді сақтандыру секторындағы компаниялардың арасында ең ірі компания болды. Оның активтері 208,7 млрд теңгені құрады, бұл бір жыл бұрынғыдан 54,3%-ға көбірек. Бір жылда 41%-ға өскен, 24,9 млрд теңге меншікті капитал бойынша ол екінші орынды алды. Компания 13,1 млрд теңге – таза пайда бойынша көшбасшылықты сақтады, ол алдыңғы жылға қарағанда 24%-ға көбірек. Бұдан бөлек, ол капиталды пайдалану тиімділігі бойынша (ROE) бірінші болып қалды - 62%.

«Nomad Life» ӨСК» АҚ-да түпкі бенефициар – Алмас Мынбаев (Forbes Kazakhstan ең бай бизнесмендерінің рейтингісінде №47).

2. «Freedom Finance Life» ӨСК» АҚ

S&P Global Ratings: В / Позитивті (26.03.2021)

Басқарма төрағасы: Азамат Ердесов

Портфельдің үлкен үлесі: ЖОМС, зейнетақы аннуитеті, өмірді сақтандыру

Компания өткен жылы 2,6 есеге өскен активтер секторында үшінші болды және бір жыл бұрынғы 18,1 млрд теңгеге қарсы 47,4 млрд теңгені құрады. Ол 2019 жылы 12,3%-ға қарсы 38%-ды құраған, меншікті капитал тиімділігі бойынша жетінші орыннан екінші орынға көтерілді. Таза пайда 468 млн-нан 2,2 млрд теңгеге дейін 4,6 есеге ұлғайды.

2021 жылдың наурызында S&P Global Ratings компанияның кредиттік рейтингісін B деңгейінде растады және «Тұрақты» болжамнан «Позитивтіге» қайта қарады.

Жалғыз акционер – Тимур Турлов.

2. «Евразия» ӨСК» АҚ

S&P Global Ratings: ВBB- / «Тұрақты» (21.06.2021)

Басқарма төрайымы: Гульмира Убегалиева

Портфельдің үлкен үлесі: ЖОМС, өмірді сақтандыру

2020 жылдың қорытындылары бойынша компанияның активтері өткен жылдың нәтижесімен салыстырғанда 2,7 есеге ұлғайып, 31,5 млрд теңгені (6-ші орын) құрады. Меншікті капитал 6,1 млрд теңгеден 10,7 млрд теңгеге дейін (3-ші орын) 75%-ға өсті. «Евразия» ӨСК бір жылда 2019 жылғы 705 млн-ға қарсы 1,6 млрд теңге таза пайда тапты.

Ағымдағы жылдың маусымында S&P Global Ratings «Евразия» Өмірді сақтандыру компаниясы» АҚ-ның қаржылық тұрақтылық рейтингін және эмитенттің ұзақ мерзімді рейтингісін «Тұрақты» болжамын сақтап, ВВВ- деңгейінде растады.

«Евразия» ӨСК» АҚ «Евразия» СК» АҚ-ның еншілес ұйымы болып табылады.

4. «Қазақстан Халық Банкінің «Халық-Life» Өмірді сақтандыру жөніндегі еншілес компаниясы» АҚ

A.M. Best: B+ / Позитивті (18.02.2021)

Басқарма төрайымы: Жанар Жубаниязова

Портфельдің үлкен үлесі: өмірді сақтандыру, аннуитеттік сақтандыру

«Халык-Life» 197,3 млрд теңге активтерімен үлкендігі бойынша екінші қазақстандық ӨСК болып табылады, бұл бір жыл бұрынғы 176,2 млрд теңгеден 12%-ға көбірек. 2020 жылы ол 2019 жылғы 8,44 млрд теңгеге қарсы 12,7 млрд теңге табыс тапты (2-ші орын).

2021 жылдың ақпанында A.M. Best рейтингілік агенттігі компанияның қаржылық тұрақтылық рейтингісін «Позитивті» болжамды сақтап, B+деңгейінде растады.

  1.  «KM Life» ӨСК» АҚ

Басқарма төрайымы: Назым Бекболатова

Портфельдің үлкен үлесі: ЖОМС

KM Life ӨСК сақтандыру қызметін жүзеге асыру құқығына лицензияны 2019 жылдың қарашасында алды. 2020 жылдың қорытындылары бойынша оның активтері 87,5%-ға жылдық өсімді көрсетіп, 18,2 млрд теңгені құрады.

Меншікті капитал 14,6%-ға өсті және 5,98 млрд теңгені құрады. Бір жылда компания 2019 жылғы 122 млн мөлшерде шығынға қарсы 700 млн теңге табыс тапты.

«KM Life» ӨСК» АҚ-ның ірі қатысушысы Лариса Каргаполова болып табылады.

6. «Standard Life» ӨСК» АҚ

Fitch Ratings: В / Тұрақты (13.01.2021)

Басқарма төрағасы: Ержан Конурбаев

Портфельдің үлкен үлесі: аннуитеттік сақтандыру, ЖОМС

Компания – 41,2 млрд теңге активтермен секторда мөлшері бойынша төртінші болып шықты, бұл 2019 жылдың қорытындылары бойынша 34,7 млрд-қа қарағанда 18,8%-ға көбірек.

2021 жылдың қаңтарында Fitch Ratings «Standard Life» Өмірді сақтандыру компаниясы» АҚ-ның қаржылық тұрақтылық рейтингісін болжам «Тұрақты», В деңгейінде растады.

Компанияның ірі қатысушысы 20,17%-бен Максат Альжанов болып табылады.

6. «Еуропалық сақтандыру компания» ӨСК» АҚ

Басқарма төрағасы: Дмитрий Надиров

Портфельдің үлкен үлесі: өмірді сақтандыру

2020 жылдың қорытындысы бойынша компания активтер көлемі бойынша сегізінші орынды алды – бұл 16,7 млрд теңге және меншікті капитал бойынша төртінші орынды алды – ол 8,6 млрд. Таза пайда бір жылда 2019 жылғы 2,4 млрд теңгеден 1,5 млрд теңгеге дейін 38%-ға төмендеді.

Жалғыз акционер – Рихард Бенишек Чех Республикасының азаматы.

8. «Мемлекеттік аннуитеттік компания» ӨСК» АҚ

Басқарма төрағасы: Ғалым Амерходжаев

Портфельдің үлкен үлесі: ЖОМС, зейнетақы аннуитеті

Өткен жылдың қорытындылары бойынша компанияның активтері 38,8 млрд теңгені құрады, бұл 2019 жылғы 37,3 млрд-қа қарағанда 4,1%-ға көбірек. Бір жылда ол 2,6 млрд немесе бір жыл бұрынға қарағанда 52%-ға азырақ сыйлықақылар жинады. Таза пайда сәйкесінше 818 млн-ға қарсы 1,1 млрд теңгені құрады.

Компанияның жалғыз акционері ҚР Үкіметі болып табылады.

Дереккөзі: https://forbes.kz//leader/reyting_strahovyih_kompaniy_-_2021_1630461820/?

Сурет ашық дереккөздерден

 

Бөлісу
Сондай-ақ, қараңыз
Зейнетақы реформасы
Зейнетақы реформасы

Премьер-Министрдің орынбасары Бердібек Сапар...

Зейнетақы жоспарын қалай таңдау керек
Зейнетақы жоспарын қалай таңдау керек

Адам өмірінің әр кезеңінде әр түрлі қаржылық қ...

Ең қызықты материалдар сіздің электронды поштаңызда. Біздің жаңалықтарға жазылыңыз.

Сарапшыға сұрақ қойыңыз
Сарапшыға сұрақ қойыңыз
Өтініш қалдыру