Мәжіліс депутаты Мұрат Теміржанов ҚР премьер-министрі Бақытжан Сағынтаевқа «Мемлекеттік аннуитеттік компания» Өмірді сақтандыру компаниясы» АҚ-ны жекешелендіру нысандар тізімінен алып тастау қажеттілігі туралы өтініш білдірді. Халық қалаулылары оны бәсекелі ортаға тапсыруды мақсатты емес деп есептейді.
Сауданы қараша айында өткізу, ал компанияны – жылдың аяғына дейін сату жоспарлануда.
«Бүгінгі таңда компаниядан 10 мыңнан астам адам сақтандыру төлемдері алуда, оның ішінде 86% - бұл зейнетақы аннуитеттерін сатып алған, бүгін сақтандыру ұйымдары нарығында қызмет ететін жеті ұйымнан мемлекеттің қатысуымен компанияны мақсатты түрде таңдаған азаматтар, қалғандары – бұл өндірісте зардап шеккен қызметкерлер немесе қызметтік міндеттерін атқарған кезде қайтыс болған қызметкерлердің асырауындағы адамдар», – деп Мұрат Теміржанов атап өтті.
Депутат жекешелендіру өз уақытында таңдауын мемлекеттік сақтандырушының пайдасына жасаған адамдардың мүдделерін ескеруі тиіс, деп есептейді.
«Жекешелендіру барысын болжап болмайды, компанияның меншік иесі осы салада бизнесті жүргізудің тәжірибесі жоқ тұлға бола алады. Зейнеткерлердің жинақтарына және өндірісте зардап шеккен қызметкерлерге немесе олардың асырауындағы адамдарға төленуге жататын активтердің 36 млрд теңгеге тиімсіз басқарудың қауіпі төнуі мүмкін», – деп Мұрат Теміржанов мәлімдеді.
Оның сөзінше, компанияның құны сауданың қорытындылары бойынша төмендеуі мүмкін, ал әлеуетті сатып алушылардың болмауынан компания жойылуы мүмкін. Бұл жағдайда әлеуметтік сақтандыру төлемдерін алушылардың болашағын болжамдауға қиын болады.
«Аннуитеттердің мүдделерін қамтамасыз ету және қаржы нарығында тұрақтылығын сақтау мақсатында сақтандыру нарығының тұрақтандырушы қатысушы ретінде мемлекеттік қатысуымен компанияны сақтау мүмкіндігін қарастыруды ұсынамыз және «МАК» ӨСК» АҚ-ны жекешелендіруге жататын нысандар тізімінен шығаруыңызды сұраймыз», – деді депутат.
Бұрын депутаттар «ҚазАгроФинанс» АҚ-ны жекешелендіру нысандары тізімінен шығаруын сұраған. 7 қарашада олар бұл ұсынысты қолдаған Үкіметтің жауабын алды. Тізімнен компанияны шығару мемлекеттік комиссиямен жақын арада қарастырылатын болады.
Фотосурет: http://kzvesti.kz, https://encrypted-tbn0.gstatic.com сайттарынан алынды.
