2025 жылғы наурыздың қорытындысы бойынша сақтандыру (қайта сақтандыру) ұйымдарының активтері әділ құны бойынша бағаланатын бағалы қағаздардың құнын қайта бағалау (1,4% - ға төмендету) нәтижесінде 0,3% - ға 3,2 трлн теңгеге дейін (2025 жылдың басынан бастап 3,5% - ға өсу) азайды.
"Жеке және заңды тұлғалар бойынша жасалған сақтандыру шарттарының саны 2025 жылдың басынан бастап 6,0 млн шартты құрады, бұл 2024 жылдың сәйкес кезеңімен салыстырғанда 34,5% - ға артық. Негізгі өсім жазатайым оқиғалардан сақтандыру шарттарына (өсім 108,3% немесе 1 437,4 мың шарт) тиесілі", - делінген агенттіктің релизінде.
Ерікті жеке сақтандыру бойынша сақтандыру сыйлықақыларының көлемі 2025 жылғы наурызда 60,4 млрд теңгені, 2025 жылдың басынан бастап – 191,9 млрд теңгені құрады, бұл 2024 жылдың ұқсас кезеңімен салыстырғанда 50,4% - ға немесе 64,3 млрд теңгеге артық. Өсім негізінен жазатайым оқиғалардан сақтандыру бойынша жиналған сыйлықақылардың 2,9 есе 48,4 млрд теңгеге дейін және зейнетақы аннуитеттік сақтандыру бойынша 1,7 есе 67,4 млрд теңгеге дейін ұлғаюына байланысты.
Ашық дереккөзден алынған сурет
