Сақтандыру нарығы бойынша таза пайда 2024 жылғы мамырда сақтандыру және инвестициялық қызметтен түскен кірістер есебінен 6,6 млрд теңгені құрады (2024 жылдың басынан бастап – 59,8 млрд теңге).
«2024 жылдың басынан бастап жеке және заңды тұлғалар бойынша жасалған сақтандыру шарттарының саны 8 352 мың шартты құрады, бұл 2023 жылдың сәйкес кезеңімен салыстырғанда 37,1% - ға артық. Негізгі өсім жазатайым оқиғалардан сақтандыру (1 651 мың шарт) және өмірді сақтандыру (556 мың шарт) жөніндегі шарттарға тиесілі», - деп хабарланды реттеушінің релизінде.
2024 жылдың 5 айында ерікті жеке сақтандыру бойынша сақтандыру сыйлықақыларының көлемі 243,4 млрд теңгені құрады, бұл өткен жылдың сәйкес кезеңімен салыстырғанда 106,8% - ға артық. Өсім негізінен өмірді сақтандыру (өсім 24,2% - ға немесе 15,6 млрд теңгеге) және зейнетақы аннуитеттік сақтандыру (өсім 34,3 есе немесе 84,0 млрд теңге) бойынша жиналған сыйлықақылар сомасының ұлғаюына байланысты.
2024 жылдың басынан бастап сақтандыру төлемдері 118,5 млрд теңгені құрады, бұл өткен жылдың сәйкес кезеңімен салыстырғанда 21,0% - ға артық. Өсім негізінен қызметкердің еңбек (қызметтік) міндеттерін орындау кезінде жазатайым оқиғалардан міндетті сақтандыру және көлік құралдары иелерінің азаматтық-құқықтық жауапкершілігін міндетті сақтандыру бойынша сақтандыру төлемдерінің ұлғаюына байланысты.
2024 жылдың мамыр айында барлығы 100,3 мың төлем, 2024 жылдың басынан бастап – 537,9 мың төлем жүзеге асырылды.
Ашық көздерден алынған фотосуреттер
