Аннуитеттік сақтандыру бойынша ӨСК жиынтық портфелі 33,2 млрд теңгені құрап, ӨСК жиынтық сыйлықақыларының 24,85%-ын құрады. Абсолюттік мәнде алымдар 29,16 млрд теңгені құрады. Сонымен бірге, 2021 жылдың қорытындысы бойынша зейнетақы аннуитеті шарттары бойынша сақтандыру сыйлықақыларының түсуі бір жыл ішінде 82,1%-ға өсіп, рекордтық 130 млрд теңгеге жетті. 2021 жылдың басына қарай 61 мың адам ӨСК-мен зейнетақы аннуитеті шарттарын жасасқаны белгілі. Сыйлықақы түсуінің жыл сайынғы өсуін ескере отырып, сол жылдың аяғында олардың саны 100 мың адамнан асты деп болжауға болады.
«Зейнеткерлік аннуитет сегментінде байқалған өсім, ең алдымен, кейінге қалдырылған аннуитет және зейнетақы аннуитеті шартын жасасу үшін ең төменгі жеткіліктілік сомасын азайту бойынша бастамалары өте маңызды рөл атқарған реттеушінің қолдауымен байланысты», - дейді «Еуразия» ӨСК басқарма төрағасының орынбасары Нұрлыбек Толықбаев.
Зейнетақы аннуитеті нарығын одан әрі дамыту тұжырымдамасында бірлескен аннуитеттерді енгізу қарастырылған. «Бұл тұлғалардың (ерлі-зайыптылар немесе жақын туыстар) бірлескен аннуитет сатып алу үшін жинақтарын біріктіру арқылы зейнетақы аннуитетінің құнын азайтады. Мұндай шешім, біріншіден, өнімді одан да қолжетімді етеді, екіншіден, бұл, әрине, жақын адамына қамқорлық», - деп жалғастырды әңгімеші.
Мысалы, егер ерлі-зайыптылардың бірінде ӨСК-да аннуитет сатып алу үшін зейнетақы жинақтары жеткіліксіз болса, ал екіншісінде артық болса, онда бірлескен зейнетақы аннуитеті арқылы олардың екеуіне де өмір бойы төлемдері жүзеге асырылады. Бұл жаңалық зейнетақы аннуитеті нарығына жаңа серпін беріп, оны одан да тартымды етеді. «Зейнеткерлік аннуитет (мерзімінен бұрын зейнетақы) – бұл өмірді сақтандыру компаниясынан зейнетақы түріндегі өмір бойғы төлемдер. Оларға өмір бойы кепілдік беріледі. Жинақ салымы таусылғаннан кейін де зейнеткер 90 жаста да, 100 жаста да зейнетақы алатын болады. 2022 жылы 55 жастағы ер адамдар үшін зейнетақы аннуитетін жасау үшін жеткіліктілік сомасы 7,1 млн теңгені, ал 52,5 жастағы әйелдерге – 9,5 млн теңгені құрады. Сондай-ақ, 45 жаста кейінге қалдырылған зейнетақы аннуитетін сатып алуға болады. Оны сатып алу үшін ер адамның кем дегенде 6,5 млн теңгесі, ал әйелдің 8,1 млн теңгесі болуы керек. Бұл ретте төлемдер 55 жастан бастап жүзеге асырылады», - деп қорытындылады «Nomad Life» басқарушы директоры Елена Тайтуголева.
Дереккөз: https://dknews.kz/ru/eksklyuziv-dk/245333-start-novyh-produktov
Фото ашық дереккөздерден алынған
