2018 жылғы 29 шілдеде «Бағалы қағаздардың бірыңғай тіркеушісі» АҚ жүйесінде «Казкоммерц-Life» АҚ-ның акцияларын шығару және «Қазақстан Халық банкі» АҚ-ның дербес шотына аудару бойынша операция тіркелді, оның нәтижесінде «Казкоммерц-Life» АҚ-ның жалғыз акционері «Қазақстан Халық банкі» АҚ болды.
2018 жылғы 13 тамызда «Қазақстан Халық банкі» АҚ Директорлар кеңесінің мәжілісінде «Халык-Life» АҚ-ға қосылу түріндегі «Халык-Life» АҚ мен «Казкоммерц-Life» АҚ-ның ерікті қайта ұйымдастырылуы туралы шешім қабылданды.
Бұдан әрі компаниялардың қайта ұйымдастыру процедурасын іске асыру уәкілетті орган – ҚР Ұлттық Банкінен рұқсат алынғаннан кейін ғана жүзеге асырылатын болады, деп «Казкоммерц-Life» АҚ компаниясының сайтында хабарланады.
«Қазіргі таңда екі компания бұрынғы режимде қызмет етуді жалғастыруда. Қайта ұйымдастыруға дайындық кезеңінде орын алатын барлық өзгерістер туралы біз компанияның корпоративтік сайты арқылы, бұқаралық ақпарат құралдары арқылы және әлеуметтік желілер арқылы хабарлайтын боламыз», – kklife.kz сайтында айтылады.
Жоғарыда айтылғандарды назарға ала отырып, қолданыстағы сақтандыру шарттары бойынша барлық талаптар өзгеріссіз қалатындығына және де осы талаптарды орындау бойынша «Казкоммерц-Life» АҚ-ның барлық міндеттемелері қайта ұйымдастырудан кейін құқықтық мирасқорлық тәртібінде Халык-Life» АҚ-ға (оның ішінде «БТА Жизнь» АҚ сақтандыру шарттары бойынша міндеттемелер де) өтетіндігіне назарыңызды аударамыз», – деп «Казкоммерц-Life» АҚ-ның хабарламасында айтылды.
Дереккөзі: http://www.kklife.kz/about/news/reorganizatsiya-ao-kazkommerts-life--v-forme-prisoedineniya-k-ao-halyk-life/
Фотосурет Informburo.kz сайтынан алынды.
