Жыл басынан бері осы сегменттегі сақтандыру сыйлықақыларының көлемі 607,8 млрд теңгеге жетіп, өткен жылдың сәйкес кезеңімен салыстырғанда 11,3% өсті. Сонымен қатар, зейнетақы аннуитеті бойынша сыйлықақылар 9,3%-ға артса, өмірді сақтандыру бойынша көрсеткіш 17,1%-ға өсті.
Бұл динамика жасалған шарттар құрылымында да анық байқалады. Жыл басынан бергі жалпы сақтандыру шарттарының саны 11,4%-ға көбейді, ал өмірді сақтандыру сегменті айтарлықтай серпіліс көрсетті — шарттар саны 107,7%-ға артты. Бұл қазақстандықтардың сақтандыру өнімдерін тек қорғау құралы ретінде ғана емес, ұзақ мерзімді жинақ пен зейнетақы капиталы қалыптастыру тетігі ретінде белсенді пайдалана бастағанын көрсетеді.
Аннуитеттер мен өмірді сақтандыруға деген қызығушылықтың артуы – халықтың қаржылық сауаттылығының өсіп, келешектегі қаржылық қауіпсіздікті қамтамасыз етуге ұмтылуының тұрақты тренді. Осы фон аясында сақтандыру секторының жалпы активтері жыл ішінде 20,1%-ға өсіп, 3,8 трлн теңгеге жетті.
Фото ашық дереккөздерден алынған.
