Жеке және заңды тұлғалар бойынша жасалған сақтандыру шарттарының саны 2025 жылдың басынан бастап 8,2 млн шартты құрады, бұл 2024 жылдың ұқсас кезеңімен салыстырғанда 28,1% - ға артық. Негізгі өсім жазатайым оқиғалардан сақтандыру шарттарына (66,5% - ға немесе 1,4 млн шарттарға) тиесілі.
Сақтандыру (қайта сақтандыру) шарттары бойынша қабылданған сақтандыру сыйлықақылары 2025 жылғы сәуірде 152,6 млрд теңгені құрады. 2025 жылдың басынан бері сақтандыру сыйлықақылары 543,6 млрд теңгені құрады, бұл 2024 жылдың сәйкес кезеңімен салыстырғанда 24,8% - ға артық.
Ерікті жеке сақтандыру бойынша сақтандыру сыйлықақыларының көлемі 2025 жылғы сәуірде 72,6 млрд теңгені, 2025 жылдың басынан бастап 264,5 млрд теңгені құрады, бұл 2024 жылдың сәйкес кезеңімен салыстырғанда 43,8% – ға артық. Өсім негізінен жазатайым оқиғалардан сақтандыру бойынша жиналған сыйлықақылардың 2,1 есе 62,4 млрд теңгеге дейін және зейнетақы аннуитеттік сақтандыру бойынша 1,6 есе 97,3 млрд теңгеге дейін ұлғаюына байланысты.
2025 жылдың сәуір айындағы сақтандыру төлемдері 41,6 млрд теңгені құрады, 2025 жылдың басынан бері – 131,9 млрд теңге, бұл 2024 жылдың сәйкес кезеңімен салыстырғанда 37,6% - ға артық, барлығы 152,3 мың төлем жүзеге асырылды.
Ашық дереккөзден алынған сурет
