Капиталдандыруды ұлғайту - өз қызметінің бірінші толық жылы, 2020 жылдың қорытындысы бойынша жинаған сыйлықақылар көлемі бойынша өмірді сақтандыру нарығында үшінші орынды алған «Евразия» ӨСК өсу темпін қолдау мақсаты болды.
««Евразия» ӨСК-нің жарғылық капиталының ұлғаюы Қазақстан Республикасында өмірді сақтандыру нарығында көшбасшы позицияларға жету бойынша компания жоспарын іске асырудың кезеңі болып табылады, яғни «жалпы сақтандыру» саласында «Евразия» Сақтандыру компаниясы» АҚ – компания акционері иеленетін дәл сондай мәртебеге жету үшін», - деп еске салады ұйымның баспасөз қызметі.
2020 жылы 02 қарашада S&P Global Ratings жетекші халықаралық рейтингілік агенттігі алғашқы рет «Евразия» Өмірді сақтандыру компаниясы» АҚ-ға тұрақты болжаммен «ВВВ-» деңгейінде қаржы тұрақтылығының рейтингісін және эмитенттің ұзақ мерзімді кредиттік рейтингісін берді. Ұлттық шкала бойынша рейтинг «kzAAA» деңгейінде расталды.
Сурет ашық дереккөздерден
