Ұлттық статистика бюросының деректері бойынша инфляция қарқыны үдеді, себебі сәуірде бағаның жылдық өсімі 13,2%-ға жеткен. Мамырда азық-түлік тауарларының бағасы бір жылда 19%-ға өсті, азық-түлікке жатпайтын тауарларға баға 11,9%-ға, халыққа арналған ақылы қызметтерге - 9,1%-ға көтерілді.
Бір жылда ең көп қымбаттаған құмшекер, жаңа піскен көкөніс, ұн, ет, жарма, картоп, макарон өнімдері, жаңа піскен жеміс, қатты ірімшік, тоқаш және ұннан жасалған өнімдер.
Бюроның баға статистикасы департаментінің директоры, Қуанышбек Жақыпбекұлының сөзінше, 2022 жылғы мамырда азық-түлікке жатпайтын тауарлардың жылдық баға өсімі 11,9% құрады. Оның деректері бойынша, баға деңгейі тұрмыс құралдарына – 20,2%, жеке қолданылатын тауарларға – 19,5%, жуу және тазалау заттарына – 17,5%, құрылыс материалдарына – 17,2%, автомобильдерге– 16,3%, жиһаз және үйге қажетті заттарға – 13,3%, тоқыма бұйымдарына – 9,4%, фармацевтикалық өнімдерге 8,7% өсті.
Жыл басынан инфляция туралы айтатын болсақ, мамырда ол 8,8%-ды құрады: азық-түлік тауарлары бойынша - 13,5%, азық-түлікке жатпайтын тауарлар – 13,5%, қызметтер – 4,5%.
Дереккөзі: https://lsm.kz/inflyaciya-v-mae-2022-goda
Сурет ашық дереккөздерден
