Сақтандыру (қайта сақтандыру) ұйымдарының меншікті капиталы 1,2%-ға артып, 992 млрд теңгеге жетті (2025 жылдың басынан бері өсім – 5,0%). Бұл өсім есепті кезеңдегі таза табыстың ұлғаюымен байланысты.
2025 жылғы мамыр айында сақтандыру ұйымдары 31,8 млрд теңге пайда тапты. 2025 жылдың басынан бергі таза пайда – 74,4 млрд теңге.
2025 жылдың басынан бері жеке және заңды тұлғалармен жасалған сақтандыру шарттарының саны 10,5 миллионға жетіп, 2024 жылдың осы кезеңімен салыстырғанда 26,1%-ға артты. Өсімнің негізгі бөлігін жазатайым оқиғалардан сақтандыру шарттары құрап отыр – 1,1 млн шартқа немесе 38,8%-ға артық.
2025 жылдың мамыр айындағы ерікті жеке сақтандыру бойынша жиналған сақтандыру сыйлықақыларының көлемі 60,9 млрд теңгені, ал жыл басынан бері – 325,4 млрд теңгені құрады. Бұл өткен жылдың осы кезеңімен салыстырғанда 33,7%-ға жоғары. Өсім, негізінен, жазатайым оқиғалардан сақтандыру бойынша сыйлықақылардың 79,6%-ға өсіп, 69,4 млрд теңгеге жетуімен және зейнетақы аннуитеті бойынша сыйлықақылардың 42%-ға өсіп, 122,8 млрд теңгені құрауымен байланысты.
2025 жылғы мамыр айында төленген сақтандыру төлемдерінің көлемі 34,8 млрд теңгені, ал жыл басынан бері – 166,7 млрд теңгені құрады. Бұл 2024 жылдың сәйкес кезеңімен салыстырғанда 40,7%-ға артық. Барлығы 117,3 мың төлем жүзеге асырылды.
Сурет ашық дереккөздерден алынған.
