Міндетті сақтандыру бойынша 2025 жылғы қаңтарда 20,4 млрд теңге сомасына сақтандыру сыйлықақылары жиналды, бұл өткен жылдың сәйкес кезеңімен салыстырғанда 24,7% - ға артық. Өсім негізінен көлік құралдары иелерінің азаматтық-құқықтық жауапкершілігін сақтандыру бойынша сыйлықақылардың ұлғаюы есебінен болды (өсім 30,3% немесе 2,1 млрд теңгеге).
2025 жылғы қаңтарда ерікті жеке сақтандыру бойынша сақтандыру сыйлықақыларының көлемі 61,9 млрд теңгені құрады, бұл өткен жылдың сәйкес кезеңімен салыстырғанда 25,0% - ға артық. Өсім негізінен жазатайым оқиғалардан сақтандыру бойынша жиналған сыйлықақылардың 3,1 есеге немесе 13,1 млрд теңгеге және зейнетақы аннуитеттік сақтандыру бойынша 2,2 есеге немесе 11,9 млрд теңгеге ұлғаюына байланысты.
Ерікті мүліктік сақтандыру бойынша сақтандыру сыйлықақылары ағымдағы жылдың қаңтар айында 72,5 млрд теңгені құрады, бұл өткен жылдың сәйкес кезеңімен салыстырғанда 2,6% - ға аз. Төмендеу мүлікті залалдан сақтандыру бойынша жиналған сыйлықақылардың 7,7% - ға немесе 4,1 млрд теңгеге азаюына байланысты. Бұл ретте кәсіби жауапкершілікті сақтандыру сыныбы бойынша 2024 жылдың ұқсас кезеңімен салыстырғанда 3,2 млрд теңгеге өсім байқалады.
2025 жылғы қаңтардағы сақтандыру төлемдері 32,4 млрд теңгені құрады, бұл өткен жылдың сәйкес кезеңімен салыстырғанда 60,1% - ға артық. Өсім негізінен жазатайым оқиғалардан міндетті сақтандыру және ерікті мүліктік сақтандыру бойынша сақтандыру төлемдерінің ұлғаюына байланысты.
2025 жылдың қаңтар айында барлығы 149 мың төлем жүзеге асырылды.
Ашық дереккөзден алынған сурет
