Сот құжаттарына сәйкес, сақтандыру компаниясы бастапқыда өтініш беру кезінде төлем сомасын арттыруды мақұлдаған. Алайда 2023 жылдың шілдесінде талап ұсынылғанда, сауалнамада берілген мәліметтердің дұрыс еместігін алға тартып, өтінішті кері қайтарған. Айта кету керек, компания алаяқтық белгілерін нақты көрсетпеген.
Талап-арызда көрсетілгендей, төлем сомасын ұлғайту кезінде компания Ян Уордтан денсаулық жағдайы туралы сауалнаманы қайта толтыруды сұраған. Жаңа полис бекітілген соң, сақтандырушы бұған дейінгі полисті ерлі-зайыптыларға ескертпестен күшін жойған.
Құжаттарда ер адамның сауалнаманы «сол кездегі білімі мен түсінігіне сай адал толтырғаны» көрсетілген. Жанеттің айтуынша, ерлі-зайыптылар полистерді сатып алған кезден бастап төлем талап етілген сәтке дейін сақтандыру жарналарын уақытылы төлеп отырған.
Сақтандыру төлемі ерлі-зайыптылардың бірі қайтыс болған жағдайда ипотеканы өтеуге және қаржылық қауіпсіздікті қамтамасыз етуге арналған болатын.
Талап-арызда компания:
– төленуі тиіс соманы бермегені;
– адал әрекет етпегені;
– төлемнен бас тартуға негіз болмағаны үшін айыпталып отыр.
Жанет соттан 97 054 доллар көлеміндегі төлемге құқықты мойындауды, шарттың бұзылғаны үшін өтемақы төлеуді және қосымша зиянды өтеуді талап етуде.
Сурет ашық көздерден алынған.
