Өмірді тәуекелді сақтандыру
ӨС полисін сатып алу үшін негізгі негіздеме – жұмыс және бизнеспен, белсенді демалыспен, саяхаттаумен байланысты тәуекел. Өмірді сақтандырудың негізгі қолданыстағы бағдарламалары төмендегілерден қорғауды қамтамасыз етеді:
жазатайым оқиғадан;
шетелге шығушы, ел ішінде саяхаттаушы азаматтарды;
жоғары тәуекелмен байланысты кәсіп иелерін (міндетті сақтандыру);
ипотекалық кредиттеу кезінде.
Өмірді тәуекелді сақтандыру жеке (жеке, бір немесе бірнеше – отбасы мүшелеріне), топтық (корпоративтік) болады. Қолданылу мерзімі – бір күннен бір жылға дейін. Полистің құнына сақтандыру тәуекелдерінің жиыны, сақтандырудың қолданылу мерзімі және басқа факторлар әсер етеді.
Ипотекалық сақтандыру
ӨС – ипотекалық кредиттеу кезінде банктің міндетті шарты, ол жиі қарыз алушыны таңдауға мәжбүр етеді – сақтандырылуға немесе кредит беруден бас тартуды алуға. Ипотеканы үлкен мерзімге береді, ол уақыттың ішінде түрлі жағдайлар болуы мүмкін. Егер қарыз алушы ауыру, қайтыс болу себебі бойынша кредитті қайтара алмаса, банк отбасын ипотекалық пәтерден немесе үйден мәжбүрлеп шығаруды ұйымдастыруға мәжбүр болады. Бірақ егер қарыз алушының өмірі сақтандырылса, кредит сомасын СК өтейді.
Зейнетақы аннуитеті
Сақтандыру аннуитеті – рентаны және зейнетақыны сақтандырудың барлық түрлері үшін жалпылама түсінік. Ол сақтанушы өмірді сақтандыру жөніндегі сақтандыру компаниясына біржолғы немесе бөліп төлеумен ақшаның белгілі бір сомасын салатынын, ал содан кейін бірнеше жыл ішінде немесе өмір бойы тұрақты табысты алатынын білдіреді. Жәй сөзбен айтқанда, сақтандыру аннуитеті – бұл белгілі бір кезең ішінде немесе адам тірі болғанға дейін тең үлестермен төленген сақтандыру сомасы, яғни, сақтандыру компаниясы іс жүзінде аннуитет сатып алған адамды оның бүткіл өмірі бойы оны асырау міндеттемесін өзіне алады.
Өмірді үлестік сақтандыру немесе unit-linked insurance
Өмірді инвестициялық сақтандыру қаржы құралдарына үлестер түрінде инвестициялық құрауышпен өмірді классикалық жинақтаушы сақтандыру гибридін білдіреді. Яғни, портфельдің бір бөлігі клиенттің қалауы бойынша анағұрлым тәуекелді және ықтимал табысты қаржы құралдарына (мысалы, ПИФ немесе ETF) орналастырылады, бағдарламада олардың құрамын мерзімді ауыстыруға болады. Өмірді үлестік сақтандыру қор нарығының өсімін пайдаланғысы келетін клиенттер үшін өмірді сақтандырудың жинақтаушы бағдарламасын білдіреді.
Аралас сақтандыру
Бұл бір шартта қайтыс болу, өмір сүру, жазатайым оқиға, ауыру, еңбекке қабілеттіліктен айырылу және т.б. бірнеше тәуекелдерден сақтандыру біріктірілетін сақтандырудың түрі. Белгілі бір ақша сомасын жинақтау мақсатымен ұзақ мерзімге (бес жылдан бастап) жасалады. Сыйлықақылар мерзімді немесе бір реттік болады.
Сурет ашық дереккөздерден
