2018 жылғы 1 шілдедегі жағдай бойынша сақтандыру секторы 32 сақтандыру (қайта сақтандыру ұйымдарымен ұсынылған.
Сақтандыру (қайта сақтандыру) ұйымдары активтерінің жиынтық көлемі 2018 жылғы 1 шілдеде 993,2 млрд. теңгені (жылдың басынан 7,3%-ға өсу) құрады.
Сақтандыру (қайта сақтандыру) ұйымдарының міндеттемелері жылдың басынан 8,4%-ға 556,8 млрд. теңгеге өсті.
Қолданыстағы сақтандыру шарттары бойынша қабылданған міндеттемелердің орындалуын қамтамасыз ету үшін сақтандыру (қайта сақтандыру) ұйымдарымен қалыптастырылған сақтандыру қорларының көлемі жылдың басынан 6,8%-ға 491,8 млрд. теңгеге дейін артты.
Өзіндік капитал 436,4 млрд. теңге (жылдың басынан 6,0%-ға өсті) құрады.
2018 жылғы 1 шілдедегі жағдай бойынша сақтандыру сыйлықақылары 2017 жылғы осыған ұқсас 212,1 млрд. теңге көрсеткішімен салыстырғанда 3,8%-ға өсті, оның ішінде тікелей сақтандыру шарттары бойынша қабылданған – 187,3 млрд. теңге сақтандыру сыйлықақлыраның мөлшері.
2018 жылғы алты айының қорытындылары бойынша «өмірді сақтандыру» саласы бойынша сақтандыру сыйлықақылары 2017 жылғы ұқсас кезеңімен салыстырғанда – 35,6 млрд. теңге, 9,9%-ға өсті. «Өмірді сақтандыру» саласы бойынша жиналған сақтандыру сыйлықақысының үлесі жиынтық сақтандыру сыйлықақыларында 16,8% құрады, ал 2017 жылғы 1 шілдедегі жағдай бойынша 15,9%.
Қайта сақтандыруға жіберілген сақтандыру сыйлықақыларының мөлшері 60,3 млрд. теңгені немесе сақтандыру сыйлықақыларының жиынтық мөлшерінен 28,4% құрады. Қазақстан Республикасының бейрезиденттерімен қайта сақтандыруға жіберілген сақтандыру сыйлықақыларынан 83,4% қайта сақтандыруға жіберілді.
2018 жылдың басынан жүргізілген сақтандыру төлемдерінің жалпы мөлшері (қайта сақтандыруға қабылданған шарттар бойынша жүзеге асырылған сақтандыру төлемдерін шегеріп) 37,6 млрд. теңгені құрады, бұл 2017 жылғы ұқсас кезеңіне қарағанда 2,3%-ға ғана кем.
Фотосуреттер baomoi.com, zakon.kz сайттарынан алынды.
