Райан Митчелл 5,5 жылға бас бостандығынан айырылды, ал Шэннон Ловелл 3,5 жыл түрме жазасына кесілді. Бостандыққа шыққаннан кейін екеуі де бірнеше жыл пробация қызметінің бақылауында болады.
Тергеу мәліметтеріне сәйкес, 2017–2019 жылдар аралығында Райан Митчелл «Patriot Life Insurance Company» атты жалған компания құрып, оны өмірді мерзімді сақтандыру полистерін заңды түрде сататын ұйым ретінде таныстырған. Алаяқтар өз құрбандарын әдейі үйсіздік пен есірткіге тәуелділік мәселесі бар адамдар арасынан, соның ішінде тәуелділікті емдеу клиникалары арқылы іздеген.
Ловелл тартушы (вербовщик) рөлін атқарған. Ол құрбандарды «сақтандыруды төлеуге мүмкіндігі жоқ адамдарға арналған қайырымдылық ұйым демеушілік ететін тегін өмірді сақтандыру полисі» бар деп сендіріп, құжат рәсімдеуге көндірген.
Жәбірленушілер тіркеу формаларын толтырғаннан кейін, Митчелл олардың деректерін нақты сақтандыру компанияларында шынайы полистер рәсімдеу үшін пайдаланған. Бұл ретте ол құжаттарды өзгертіп, бенефициар ретінде өзін және Ловеллді көрсеткен, өз үй мекенжайларын енгізген, сондай-ақ жәбірленушілердің байланыс деректерін жалған электрондық пошта адрестеріне ауыстырған. Түскен пайданы сыбайластар тең бөліскен.
«Бұл айыпталушылар нөлден бастап қатыгез схема құрды — есірткіге тәуелді және үйсіз адамдарды пайдаланатын жалған сақтандыру компаниясын жасап, кейін сол құрбандардың өлімінен пайда табуды көздеді», — деді Бас прокурор Крис Мэйес. «Менің кеңсем Аризонаның осал тұрғындарын қанау мен зорлық-зомбылықтан қорғауға бұрынғыдай берік».
Екі айыпталушы да қылмыстық синдикатқа қатысу, сондай-ақ алаяқтық схемаларды ұйымдастыру және алдау әрекеттері бойынша кінәсін мойындады.
Ашық дереккөздерден алынған фото
