Сонымен қатар барлық соңғы үкіметтер, консерваторлар да, лейбористтер де, мемлекет, қартайғанда ауруға шалдыққан немесе жұмысын жоғалтқан, өз азаматтарын толықтай қамтамасыз ете алмайтынын үнемі қайталаған. Ал азаматтар «үндеуді» түсінді: ХХ ғасырдың соңғы онжылдығында Альбионда өмірді сақтандыру бойынша шығындар мен жеке зейнетақылық қамтамасыз ету үлесі 6 пайызға артты.
Қазір британдықтардың өмірі сақтандырушылар тізіміне сәйкес қаншаға тартады? Өмірді 1 фунт 69 пенстен бастап сақтандыруға мүмкін. Рубльде бұл шамамен 81 рубльге жетеді - бұл «сыйлықақы» сақтандыру компаниясына ай сайын төленуі тиіс. Алайда, осындай арзан сақтандыру өте жас және сау, ешқандай жаман әдеттерсіз, тәуекелді спорт түрлеріне қызығушылығы жоқ, аса ауыр еңбекпен айналыспайтын, сонымен қатар өмір бойына емес, тек белгілі бір мерзімге сақтандырылатын адамдар үшін қарастырылған. Сақтандырушының тәуекелі, клиенттің сақтандыру сыйлықақысын алу мүмкіндіктері секілді, барынша жоққа шығарылады. Өйткені, егер ол, әдепсіздік үшін кешірерсіз, уақытында өлмесе, сақтандырушыдан пенсті де кері қайтара алмайды.
Ұлыбританиядағы сақтандыру нарығы әртүрлі. Жазатайым оқиға салдарынан қайтыс болудан, емделмейтін аурудан, жарақат алудан сақтандырылуға болады, бірақ өзіне қол жұмсау үшін - болмайды. Алайда, британдықтардың өмірін сақтандырған бірқатар компаниялар клиенттері өз еркімен кеткен жағдайда, олардың отбасыларына сақтандыру төлемін жасауға дайын. Бірақ ол сақтандыру полисін рәсімдеген күннен кейінгі күні емес, сақтандыруды сатып алған күннен бастап кемінде бір-екі жыл өткеннен кейін жасаған жағдайда. Көптеген британдық компаниялар өз полистеріне өзіне-өзі қол жұмсау туралы арнайы тармақты енгізеді.
Сақтандырушылармен алаяқтық жасау өзіне қымбатқа түседі. Тіпті сауалнамаларды толтыру кезінде шамалы көрінетін деректерді жасырған кезде, клиент өзінің барлық сақтандыруы жарамсыз деп танылатына тәуекелге барады.
Сақтандырушылар тарапынан ықтимал алаяқтыққа келетін болсақ, бұл іс жүзінде мүмкін емес. Сақтандыру компаниясына талап қою жағдайында азаматтардың өтініштер жүйесі соттарға шағымдану қажеттілігін мейлінше төмендетілетіндей, мінсіз әзірленген. Омбудсменді қоса алғанда, кем дегенде үш құзыретті орган бар, олар тиісті уақытта азаматтардың талаптарын қарайды және жосықсыз сақтандырушыны оның клиентіне тиесіліні төлеуге мәжбүрлейді.
Сақтандырудың жоқтығы британдық адамның денсаулығына немесе мүлкіне зиян келген жағдайда, ол жәрдемсіз қалатынын білдірмейді. Тіпті де керісінше.
Альбионда жәбірленушілерге өтемақы төлеуді көздейтін ондаған ұйымдар мен заңды кеңселер бар. Адвокаттар барлық қиындықтарды өзіне алады және жәбірленушіге төленген соманың пайызын алады. Сонымен қатар, көптеген адвокаттық фирмалары, егер клиент өтемақы алмаса, онда ол заңгер-делдалдарға ештеңе қарыз болмайтынына кепілдік береді.
Ірі жазатайым оқиғалар мен апаттар болған жағдайда, сот кінәлі компанияны, егер ондай анықталса, барлық азаматтарға сақтандырудың бар-жоғына қарамастан, өтемақыны төлеуге міндеттейді. Мәселен, теміржол компаниялары қаза тапқандардың отбасыларына және жараланған жолаушыларға бірнеше рет өтемақы төледі.
Бірқатар жағдайларда мемлекет те өтемақы төлейді. Лондондық лаңкестік шабуыл кезінде британдықтарға (52 адам қаза тапты, 800-ге жуық түрлі жарақаттар алды). Қылмыстық әрекеттерден жарақат алуды өтеу ұйымы келтірілген зиян үшін қазыналық қор қаражатынан тоғыз миллион фунттан астам соманы төледі.
Дереккөз: https://rg.ru/2010/11/23/strahovanie.html
Автор: Ольга Дмитриева
Фото billionnews.ru, mundo.pro сайттарынан
