Қабылданған заңнамалық нормалар ресейлік сақтандырушыларға электронды АХАЖ жүйесіне және Әлеуметтік сақтандыру қорына қосылуға мүмкіндік берді. Маманның айтуынша, осы қадамдардың арқасында компаниялар бірқатар сақтандыру тәуекелдері бойынша төлемдерді жедел жүзеге асыра бастады.
Ресейде «Цифрлық профильді» енгізу бойынша пилоттық жоба жүзеге асырылуда. Бұл бастама пайдаланушылардың тіркеулік жазбаларын Мемлекеттік қызметтер порталына байланыстыратын, «Инфрақұрылымдағы бірыңғай сәйкестендіру және аутентификация жүйесінің» қисынды жалғасы болып табылады. Евгений Щеклановтың айтуынша, қазірдің өзінде 63 қатысушы «Цифрлық профильге» тәжірибелік режимде қосылды, олардың ішінде банктер, агрегаторлар, сақтандыру компаниялары және т.б. Медициналық деректерге қолжетімділікті қамтамасыз ету мәселесі күн тәртібінде қалып отыр: бүгінде бұл үшін жазбаша келісім қажет. Сарапшы бұл жағдай төлемдердің жеделдігіне кедергі келтіретінін атап өтеді, өйткені алдымен адам қажетті құжаттарды жинап, ұсынуы керек.
«Сақтандырушылардың медициналық ақпаратқа қол жеткізуі, мысалы, ауыр ауруға қатысты жаңа мағынаға ие болады. Мұндай жағдайда өмір үшін күресіп жүрген адамдар қағазбастылыққа бар күшін, жүйкесін жұмсауға мәжбүр. Қолданыстағы заңнаманы өзгерту сақтандырушыларға төлемдерді дәрігердің қабылдауынан өткеннен кейін дереу жүзеге асыруға мүмкіндік береді», - деп қорытындылады «СберСтрахование жизни» компаниясының басқарушы директоры.
Сурет ашық дереккөздерден
