2022 жылғы 12 қыркүйекте сақтандыру ұйымдарына Мемлекеттік білім беру жинақтау жүйесіне (МБЖЖ) қатысуға мүмкіндік беретін заңнамалық түзетулер күшіне енді. Бұдан бұрын оған тек екінші деңгейдегі банктер қатысқан, бүгінгі күні оларда жалпы шамамен 33,5 млрд теңге сомаға 22 мың білім беру депозиттері ашылған. Бұл әдеттегі сыйақыдан бөлек, сонымен қатар мемлекеттік сыйлықақы түсетін банктік салымдар. Нәтижесінде жинақтарды оқуға ғана жұмсауға болады.
Ал жаңа түзетулермен, ҚР Қаржы нарығын реттеу және дамыту агенттігінің хабарламасына сәйкес, қазақстандықтар МБЖЖ аясында ерікті сақтандыру полистерін пайдалана алады. Бұл өз балаларыңыздың оқуына жинауға және өзіңізді тәуекелдерден қорғауға көмектесе алатын, ерікті сақтандыру құралы.
Полис арқылы қалай жинауға болады
Депозиттен айырмашылығы, жинақтаушы сақтандыру туралы шарттың бірнеше артықшылықтары бар: кірістілік мөлшерлемесі (8%-дан 10%-ға дейін) – ол мөлшерлемесі өзгеруі мүмкін депозиттен айырмашылығы, сақтандыру шартының қолданылуының бүткіл мерзіміне кепілдік беріледі;
соманың кепілі – Сақтандыру төлемдеріне кепілдік беру қоры толық жинақталған соманы өтейді, ал депозиттер бойынша кепіл ең жоғары 20 млн теңгеге дейін жетеді.
тәуекелдерден қорғау – ата-ананың еңбекке қабілеттілігінен айырылу немесе оның қайтыс болуы жағдайында жинақталған сомаға тәуелсіз, оқудың толық құны төленеді.
«МБЖЖ щеңберінде өмірді білім беру жинақтаушы сақтандыру шартын жасап, ата-аналар сақтандыру ұйымы есептейтін инвестициялық табысқа қосымша мемлекеттің жылдық 5%-дан 7%-ға дейін мөлшерде сыйлықақысын ала отырып, өз балаларының білім алуына жинай алады», деп хабарлайды қаржы реттеуішінде.
Мұндай шартты рәсімдеу алдында, осындай қаржы құралының ерекшеліктерін ескерген жөн.
Сақтандыру шарты оның қатысушысына белгілі бір міндеттер жүктейтінін есте ұстаған жөн. Мысалы, депозиттен айырмашылығы, сақтандыру шотына тұрақты ақша сомасын салуға тура келеді. Ал кешіктіру келісім-шарттың бұзылуына және жинақ пен сыйақының бір бөлігін жоғалтуға әкелуі мүмкін. Сондай-ақ, банктік салымдардың жекелеген түрлері кезінде жасалуы мүмкін, қиын-қыстау жағдайларда ақшаны тез және шығынсыз алу мүмкін болмайды, яғни салымдардың ұтқырлығы жоқ. Сондықтан мұндай құрал жауапкершілікпен қарауды және шарт талаптарын мұқият зерделеуді талап етеді.
Бұл ұзақ мерзімді перспективаға бағытталғанын және қаражатты үнемі қалдыруды көздейтінін түсіну керек.
Дереккөзі: https://www.nur.kz/nurfin/insurance/2005116-kak-strahovka-pomozhet-oplatit-obuchenie-kazahstanskih-detey-v-universitete/
Сурет ашық дереккөздерден
