Тергеу нұсқасына сәйкес, 2022 жылы әйел жұбайы Эрикке ұсынған «Мәскеу мулы» коктейліне фентанилдің өлімге әкелетін мөлшерін қосқан. Сот-медициналық сараптама 39 жастағы ер адамның ағзасындағы есірткі мөлшері өлімге әкелетін деңгейден бес есе жоғары болғанын растады.
Тергеу мәліметінше, қылмыстың негізгі себебі Ричинстің ауыр қаржылық жағдайы болуы мүмкін. Күйеуі қайтыс болған кезде оның қарызы 1 миллион доллардан асқан, ал Эриктің мүлкі шамамен 4 миллион доллар деп бағаланған. Құқық қорғау органдары әйел тек қарыздарынан құтылып қана қоймай, ірі сақтандыру төлемдерін алуды көздеген деп санайды.
Істе өмірді сақтандыру мәселесіне ерекше назар аударылған. Прокуратураның мәлімдеуінше, Ричинс күйеуінің атына оның хабарынсыз жалпы сомасы шамамен 2 миллион доллар болатын төрт сақтандыру полисін рәсімдеген. Кісі өлтіруден бөлек, әйелге кісі өлтіруге оқталу, алаяқтық және құжаттарды қолдан жасау баптары бойынша да айып тағылып отыр.
Айыпталушы өз кінәсін мойындамайды. Оның адвокаты Кэтрин Нестер тергеу фентанилдің ер адамның ағзасына нақты қалай түскенін дәлелдейтін айғақтар ұсынбағанын алға тартады. Қорғау тарапы коктейль құйылған стақандардың есірткі іздеріне тексерілмегенін атап өтті.
Дереккөз: https://www.asn-news.ru/news/91592
Фото ашық дереккөздерден
