Аталған іс-шара «Қазақстанның ең үздік әлеуметтік жобалары» республикалық байқау аясында өткізілді. Оның ұйымдастырушылары – Еңбек және халықты әлеуметтік қорғау министрлігі және «Нұр Отан» партиясы.
Семинар барысында Қазақстан, Қырғызстан, Өзбекстан және Ресей сарапшыларының баяндамалары тыңдалды. Қатысушылар тәжірибемен бөлісіп, пікір алмасты, әлеуметтік саладағы өзекті мәселелерді шешу жолдарын талқылады. Нақты айтқанда, «МАК» ӨСК» АҚ Басқарма төрағасы Ғалым Амерходжаев Қазақстанда өндірісте жазатайым оқиғалардан жұмыскерлерді міндетті сақтандыру жүйесі туралы баяндады.
Сонымен қатар іс-шара барысында байқауға қатысқан барлық жобалардың көрмесі және жеңімпаздарды марапаттаудың ресми рәсімі өтті.
Байқау тең мүмкіндіктерді қамтамасыз ету, күрделі өмірлік жағдайлардан өтуде көмек көрсету, әлеуметтік саладағы еріктілер қозғалысын дамыту және т.б. сияқты бағыттар бойынша өткізілді. Оған бүкіл елден 318 жоба авторы қатысты, бұл былтырғы жылмен салыстырғанда, екі есе артық болды.
Дереккөзі: http://www.gak.kz/news_detail?news_id=199
Фото: Нұр Отан
