bs-preloader__icon
ru kz en

Ержан Коңырбаев: «Біздің лайф-компаниямыз отбасы компаниясына айналғаның қалаймыз»

LifeInsurance.kz сайтына берген сұхбатында Қазақстандағы life-сақтандыру саласындағы ең харизмалық және кәсіби басшылардың бірі «Standard Life» ӨСК» АҚ Басқарма төрағасы Ержан Қоңырбаев өзінің жеке естеліктерімен және жалпы сектордың қазіргі дамуының бағалауымен бөлісті.
Ержан Коңырбаев: «Біздің лайф-компаниямыз отбасы компаниясына айналғаның қалаймыз»

- Ержан Еркенұлы, нарықта Сізді дағдарысқа қарсы менеджер деп атайды. Өйткені Сіз бұрын басқарған барлық сақтандыру компаниялары, оның ішінде «Мемлекеттік аннуитеттік компания» ӨСК» АҚ (МАК ӨСК АҚ), Alliance-Life («Standard Life» ӨСК» АҚ), Астана Финанс («Номад – Life» ӨСК» АҚ), Азия Life («Freedom Finance Life» ӨСК» АҚ) өте табысты болып табылады. Сіз бұрын біздің басылымымызға берген сұхбатыңызда сіздің «негізгі міндетіңіз үрдістерді құру және компания нарықта ұзақ және табысты түрде дамуы үшін айтарлықтай қуатты импульсты беру болып табылған» деп атап өткен болатынсыз. Осы үдерістерді іске қосу үшін сіздің басты міндеттеріңіз қандай болды? Бұл көзқарасыңыз өзгерді ме? Өйткені заман өзгереді емес пе...

- Үлкен рақмет, иә, шын мәнінде, түрлі заманда әр түрлі қадам жасау керек қой. Кеңес үкіметінен кейінгі кезеңде 90-шы жылдардың аяғына дейін өмірді сақтандыру Қазақстанның қаржы нарығында болмады деп айтсақ артық болмайды. Қызметкерлерінің өмірі мен денсаулығы үшін жұмыс берушінің жауапкершілігі туралы заң енгізілгеннен кейін нақты сұраныс, ал өмірді сақтандыруда жаңа, аннуитеттік сынып пайда болды. Оның шарттары бойынша жазатайым оқиғадан зардап шеккен қызметкерлерге төлемдер өмірді сақтандыру компаниялары арқылы жүзеге асырылды.

Ол кезде нарықта тек қана бір компания – «БТА Өмір» болды, бірақ аннуитеттік сақтандыруға лицензиясы болмағандықтан, және осы өнімді сату тәжірибесінің жоқтығынан, жаңа заңның міндеттемелерін орындайтын өмірді сақтандыру компаниясын құру қажеттілігі пайда болды.

Біз нарыққа МАК компаниясымен шыққанымызда, бізде сол кезде ең мықты командамыз болды. Біз нарықты осы бағытта дамыту қажет екенімізді, аннуитеттерді кеңінен таратып, алғаш ашушы ретінде нарыққа шығу керек екенімізді түсіндік. Нәтижесінде бұл бағыт табысты түрде дами бастады, бүгінгі таңда аннуитеттік сақтандыру әрбір компанияның портфельінде едәуір үлкен үлесті құрайтын болды. Оның ішінде кейінге қалдырылған, ерікті аннуитеттер.

Нарықтың дамуымен халықаралық тәжірибеден алынған жаңа перспективалар және өнімдер пайда болды.

Мен дәл осы дағдарысқа қарсы менеджер болдым деп айта алмаймын, өйткені ондай дағдарысты жағдайлар туындамаған (күледі).

Жаңа заң аясында бизнесті алғаш рет, «нөлден» көтеру қиын болды. Тәжірибені жинақтап алдық та, бұл өсу үшін сын-тегеуріндері болды.  Келесі сатысы екінші компанияны –  «Alliance Страхование Жизни» компаниясын ашу болды. Мұнда шығындарды қысқарту, компанияның инвестициялық қызметін оңтайландыру және өсу межелерін табу қажеттілігінен мәселе туындаған еді, және бұның бәрі де іске асырылды. Инвестициялық портфельдің сапасы көтерілді, ынталандыру жақсарып, бәсекеге қабілетті өнімдерді сата бастады, кейіннен олар өмірді аннуитеттік сақтандыру – зейнетақы аннуитеті өнімдерін сату бойынша көшбасшылардың біріне айналды.

Өмірді сақтандырудағы өсудің үшінші кезеңі мен үшін «Астана Финанс» компаниясы, қазіргі «Номад Life» өмірді сақтандыру компаниясы болды, бұл экономикалық тұрғыдан қиын 2008-2009 жылдар болған еді. Компания қызметті жүзеге асыруға лицензияны енді ғана алған кезі. Сол кезде Ұлттық Банк капиталды көтеру бойынша үш жылдық кезеңді енгізді, біздің алдымызда сатуларды дамытып қана қоймай, қатаң шектерге төзіп, жаңа жағдайларда дамуын жалғастыру міндеті қойылған еді. Бас компанияда дефолттар болған кезде, брендке деген сенімін толықтай кетіргенде  біздің қолымыздан келді. Және бұл жағдайда калың бұқараға өмірді жинақтаушы сақтандырудың жаңа өнімін іске асыру қолымыздан келді. Компания сынақтан өтті және кейіннен жаңа акционерге сатылды, сөйтіп ол «Номад Life» деп аталатын болды. Егер компанияның перспективалары болмаса, оны ешкім сатып алмайтын еді.

Компанияның жаңа бағыттағы белгіленген вектор және біз әзірлеген өнімдер «Номад Life» компаниясында әлі күнге дейін өзекті болып табылады. акционерлер үшін бұл жол компанияны дамытуда перспективалы болып, олардың мақсаты оны сақтап, жақсарту болған. Әрине, жаңа акционер капитализацияны күшейтіп, өз акценттерін енгізді, сонымен қатар сапалы атқарымдарын қалдыра білді.

- Ал Сіздің күшті жағыңыз неде деп ойлайсыз? Мысалы, стратегиялық ойлаудан басқа компанияны дамытудың жаңа дұрыс бағыттарын табу... Неліктен компанияны басқару үшін Сізді шақырады? Сіз бұл шақыруды әрдайым қабылдайсыз ба?

- Біріншіден, акционер кім екенін түсініп алу керек, оның бизнесті айқын көрінісі болуы да, бұл бизнес қалай дамуы тиіс сияқты мәселелер де маңызды. Егер сен бұны көріп отырсаң, онда бірге жұмыс атқару да қиынға соқпайды.

Олар компанияның жұмыстарына қызығушылық танытатыны, кей кезде оны қадағалап отыратыны да болады, бірақ бұл өте дұрыс! Бақылаусыздық жауапсыздықты және қандай да бір бассыздықты тудырады. Бұл мәселеде менің жолым болған екен, мен жұмыс істеген компаниялардың акционерлері әрдайым өз бизнесін түсінген, олар нені қалайтының білген. Жалпы, бизнесті түсініп, менің басқаруыммен компания дұрыс жұмыс істеп, дамитынына сенімділік болды. Осындай сенім болған кезде, оның ақтау керек.

«Standard Life» ӨСК» АҚ-да акционерлермен керемет байланыс орнатылды, біз үнемі қарым-қатынаста боламыз, ойымызбен бөлісеміз, жаңа енгізулерді талқылаймыз және ұсынамыз, қиындықтар, күтпеген кедергілер болған кезде, нені жақсарту қажет, неге көңіл аудару керек екенін талқылаймыз, біз тікелей диалогта бір-бірімізге ашық боламыз. Бұл мені қатты қуантады, олар бізді қолдап, сату бөлігінде де, активтерді басқаруда да тиісті мәселелерді шешуге жәрдемдеседі, біздің бүкіл жұмысымызда толықтай қолдау мен түсіністік бар. Акционерлерге бұл бизнестің болашағы бар екенін растайтын қолжетімді және сенімді дәлелдерді келтіріп, оларды сендіру маңызды.

Әлемдік тәжірибеде де, қазақстандық практика да сақтандыру тұрақты қаржы бизнестерінің бірі екенін дәлелдейді. Қазақстандағы оның бүкіл тарихында сақтандырушыларда бизнесті қолдауға халықтың ақшасын өндіріп алу қажеттілігі де, себептері де болмады.

Төлемдерді кепілдендіру қоры клиенттерге өз полисі үшін, өзінің болашақ төлемдері үшін алаңдамауға мүмкіндік беретін тиімді инфрақұрылымдық институт деп есептеймін. Сақтандыру компаниялары мемлекеттен қордың 100% акцияларын сатып алды, осылайша нарық өз есебінен өз клиенттеріне қосымша кепілдіктерді өз бетінше қамтамасыз етеді. Иә, сақтандыру нарығында сақтандыру компанияларының дефолттары болды, бірақ Қордың қаражаты есебінен банкротқа айналған компаниялардың барлық клиенттері жаңа полистерді, немесе ақшалай төлемдерді түгел алды. Сақтандыру бизнесінде өз тәуекелдері жоқ деп кесіп айтуға болмайды, бірақ біз осы тәуекелдер арқасында пайда көріп отырмыз. Бұл орайда біздің кепілдендірудің өз жүйеміз бар және ол өзінің тиімділігін көрсете білді. Бірақ сонда да бізге қатынасымыз жалпы жағымсыз, банктерге бізден артық сенеді, ал сақтандыру бизнесі дамып келеді және жоғары тұрақтылыққа ие.

- Яғни Сізде, ең бастысы, өмірді сақтандыруға сеніміңіз бар ғой?

- Иә, біздің бизнесіміздің тұрақтылығына сенімім бар! Кейбір жақта біз өсуді төмендетеміз, кейбір жақта қаржы нарығына қарағанда жылдам өсеміз, бірақ орташа есеппен алғанда өсім  15%-20% құрайды. Біз үшін мемлекеттің қолдауы және оң имидждік жағдай беретін жаңа мүмкіндіктерді ашу маңызды. Әлемдік тәжірибеде бұл тұрақты түрде бизнестің кеңеюіне және экономиканың баюына алып келді. «Сақтандыру полисі – бұл сенімді өмірдің ажырамас бөлігі» – бұны экономикалық тұрғыдан дамыған елдердің барлық азаматтары да түсінеді. Қазақстандық нарықта сақтандыру компаниялары қолпаштайтын жеңілдіктерге қажеттілігі бизнестің клиентке бағдарлануымен негізделген, және ҚР азаматтарында өз болашағы мен балаларының болашағына қамқорлық жасаудағы дербестігін тәрбиелеуге бағытталады. Өзіне және өзінің болашағына жауапкершілікпен қарайтын адамдасалықты аздау төлеуге мүмкіндігі болуы керек, өйткені ол өз бетінше салымды ұзақ жылдарға жасайды. Салықтар – бұл әлеуметтік төлемдер, егер клиент өзіне өзі қамқорлық жасаса, онда ол не үшін басқалар сияқты салық төлеуі тиіс? Оның белгілі бір жеңілдігі болу керек.

- Сақтандыру бизнесіне деген Сіздің сеніміңіз бірте-бірте пайда болды ма, әлде ол бұрыннан болған ба?

-  Сақтандыру – технологиялық бизнес, бұл маған өте ұнайды, мұнда ғылыми тәсілдемелер бар, ықтималдылық теориясы, математика бар. Мен физика-математикалық факультетті бітірдім, содан кейін механика-математикалық факультетті аяқтадым, ілеспелі ғылымдарды зерттедім, сондықтан сақтандыру – бұл маған табыс алып келетін менің сүйікті ісім десек те болады. Адамның білімі талап етілген кезде, ол үшін маңызды болады. Life компаниясында жұмыс жасау мен үшін қашанда қызықты болған, сақтандырудың шектелген сыныптарының саны әрдайым жаңа өнімді ойлап табуға, ізденуге, нарықта болмаған нәрсені табуға, есептеуге және оны жаңаша іске асыруға, сатудың жаңа жолдарын іздеуге итермелейді. 

Мысалы, өнімді нарыққа шығармай тұрып, біз оны алдымен сынаймыз, содан кейін ол жұмыс істей бастайды, келесі кезең – қызмет көрсетуді жақсарту үшін жұмыс жасаймыз, содан кейін сақтандыру өтемақыларын жаңарту немесе толықтыру бөлігінде түзеу жұмыстары жүргізіледі. Яғни жетілдіру бойынша үздіксіз жұмыс жүргізіледі. Әрбір өнім бізге қандай да ноу-хау береді. Жалпы сақтандыру бизнесі, әсіресе Life өте икемді болады.

- Өмірді сақтандыру өнімдеріне сұраныс қаржылық сауаттылықтан емес, бұл адамдарға қай жағынан тиімді болуымен байланысты екенімен келісесіз бе?

- Келісемін. Бірақ тек Life-сақтандыру ғана белгілі бір экономикалық жағдайларда дамиды – бұл төмен инфляция, дамыған қор нарығының болуы, және халық өз табысының 25%-30% салымға жолдай алатын кезде, халық табысының деңгейі. Егер факторлардың бірі болмаса, онда нарық «ақсандап келеді». Бізде бұл үш бөлік қажетті тұғырда бір уақытта теңестірілмей келеді. Егер бір жағы өсіп келсе, екінші жағы басылып қалады. Мысалы, мұнайдың құны бір кездері бір баррель үшін 150 доллар болған, табыс жоғары болды, бірақ инфляция 18%-ға жететін. Бүкіл үш фактордың үйлесуінде, біздің инфляциямыздың деңгейіне бара-бар болған нақты табыстылығы бар «ұзын» қаржы құралдары пайда болған кезде, сонда Life-сақтандыру күрт өсуін көрсете алады.

- Ержан Еркенұлы, компаниялардың дамуы мәселесіне оралатын болсақ, біз көріп отырғанымыздай, Сіз өз кадрларыңызды оқыту мәселесіне баса назар аударады екенсіз. Өмірді сақтандыру компанияларында қазіргі заманғы мамандар нені білуі тиіс? Сату мен андеррайтинг тиімділігі ме, қызмет көрсетуді ме? Немесе тағы бірдеңені ме?

- Бизнестің барлық құрамдас бөліктері маңызды. Бірақ ең маңыздысы – бұл, әрине, қызмет көрсету. Қазір бізде реттеу жағымыз өте мықты болып тұр, сондықтан қызмет көрсету саласынан басқа жақта бәсекелесу өте қиын. Ал бұл дегеніміз жылдам қызмет көрсету, клиентке деген жылы қарым-қатынас жасау тұрғыдан бәсекелесу қажет екенімізді .

- Сіз осы тұрғыдан өз компанияңызда қандай да бір жаңа стандарттарды, «фишкаларды» енгіздіңіз бе?

- Біз үшін қазір біздің қызметкеріміз жалпы бизнесті түсінгені маңызды, бұл үшін біз оқуды және бірлескен жиналыстарды өткіземіз, сол жиналыс аясында компанияның барлық қызметкерлерінің ой-өрісін кеңейтеміз. Қызметкерлердің бизнесті өз міндеттемелері тұрғысынан ғана көрудің даму перспективалары жоқ. Сондықтан біз өз саламызда жай ғана мамандарды ғана емес, бизнестің өсуі мен дамуы – бір мақсатқа ұмтылатын тұтас команданы өсіруге тырысамыз. Компания ненің арқасында табысқа жетіп отырғаның, бұл клиентке қандай әсер тигізетінін, оның қалауы жалпы іске қандай әсер ететінін түсіну қажет.

- Менің білуімше, Сіз өз қызметкерлеріңізбен тығыз қарым-қатынаста болып, үнемі кездесіп, пікір алмасып тұрасыз, тіпті дауласасыз да...

- Иә, кейде бізде белсенді және қызу талқылар өтеді. Мен әрдайым өз қарамағындағы адамдарыма талқылауға қатыса отырып, қандай да бір мәселенің шешімін табуға ұсынамын. Алайда, мысалы, ступор болғанда, мен өзім шешім қабылдауға мәжбүр боламын. Ал жалпы, әрине, пікір алмасамыз, егер мен ұсынылып отырған шешімдер біреудің мүддесіне қайшы келетін болса, немесе басқа жағдайларда даудың себебіне айналуы мүмкін екенін көрсем, онда мен шешімді өзім қабылдаймын. Маған қызметкерлер қандай да бір мәселемен келген жағдайда, менің ойымда шешімнің бірнеше нұсқалары дайын тұрады, егер де оның ұсынысы менікімен сай келсе, бұл әрине, мені қуантады, кері жағдайда – біз белсенді бірлескен түрде тиімді шешімді іздейміз.

- Сіздің байқауыңызша, басшылар, оның ішінде жастар қандай қателерді жиі жіберіп тұрады, Сіз өзіңіздің кәсіби және өмірлік тәжірибеңізден қандай жеке тілегіңіз, басты кеңесіңіз берер едіңіз?

- Адамдардың басты қателігі: кейде олар өз ісімен емес, олардан шын мәнінде талап етілетін іспен айналысады. Мысалы, сатушы тек сата алады, оның табиғаттан болмысы сондай, бірақ компанияны басқару – бұл тек қана сату емес, бұл мүдделердің теңгерімі, бизнестің барлық аспектілерін – сату, тәуекелдер, клиенттер, акционерлер, агенттер – түсіну... Әрдайым теңгерім қажет. Мұнда тағы бір мәселе – кадрлардың тапшылығы. Сақтандыру -  бұл мүлдем басқа бизнес, тіпті сақтандырудың ішінде де салалар бойынша реттеу әр түрлі болады, түбегейлі айырмашылықтар бар. Сақтандыруда салалық мамандар өте көп, мысалы: андеррайтер, аджастер, актуарий, сюрвейер және т.б.

Standard Life компаниясында әр түрлі мамандардың бүкіл бизнеске ортақ көзқарасы болуына ұмтыламын, мысалы, андеррайтер сатушының жағдайын түсініп, бірі біріне түсіністікпен қарағанын қалаймын, онсыз олардың мақсаттары әр түрлі болған соң үнемі тартыста жүретін болады.

Клиенттердің, акционерлердің, агенттердің, сатушылардың, андеррайтерлердің және т.б. мүдделері арасында тепе-теңдікті іздеп таба алу керек екенін қайтара айтамын. Барлығының көңілінен шығатын бір жүйені құру керек, теңгерім барлық жақтарда қажет.

Жастарға не тілесем болады? Оқы, оқы және оқы. Сен сақтандыру саласына келген кезде, сен бәрін де білетін сияқтысын, бірақ әрбір жаңа күн жаңа сындарды дайындайды, жаңа нәрселермен танысасың, әрбір күн жаңа міндеттерді қояды, сондықтан күнде оқу керек.

- Ал Сіз үшін өмірлік жолыңыздағы, оның ішінде тәжірибе, жаңа білім тұрғысынан қай кезең едәуір қызықты болған?

- Бұл алғашқы махаббат тәрізді – ең қиыны осы, деп ойлайсың да, бірақ ең қызығы алғашқы рет болғанда емес пе. Барлық ақпарат жаңа болып, сұрайтын, ақылдасатын адамың да жоқ. Өмірді сақтандыру компанияларынан ол кезде нарықта тек қана «БТА Жизнь» болды, оның жалғыз ғана «ерікті» өнімі бар болатын.  Біз өз бетімізше барлық есептеуді жүргізіп, оларды тестілеуден өткізіп, және де бізге үйреткендей, оңтайландырып, жұмыс тетігіне енгіздік. Сондықтан «МАК»-тағы тәжірибем мен үшін ең тиімді болған.

- Сіз тек жеке компанияларда ғана жұмыс жасап қоймай, бүкіл сақтандыру нарығының дамуына қатысып, оған ықпал ете алатындай жоғары лауазымдарда болдыңыз. Сіз сол билік орнына қайта оралғыңыз келмей ме?

- Мұндағы мәселе дамыту ниеті ғой. Бізде осы компанияларда отырып-ақ, бұл саланы дамыту мүмкіндігіміз бар. Соңғы бес жылда нарықтың дамуына ден койылмағаны түсінікті. Қазір біз бәріміз де осы жайында ойлауымыз керек. Мысалы, бізде бүкіл сақтандыру нарығы сыйлықақылардың миллион доллардай табыс табуда – бұл айтарлықтай үлкен сома емес. Біздегі капитал деңгейімен салыстырғанда, миллиард – бұл сыйлықақылардың капиталға бірге бір сияқты арақатынасы.

Бізді ДСҰ-ға кіруімен нарыққа шетелдік бәсекелестер еніп, барлық клиенттерімізді басып алады деп қорқытты. Бірақ бұл негізсіз үрей: бізде қаржы тетігіміз өте кішкентай. Бізде капиталымыз, мысалы, 500 миллиард, ал сыйлықақымыз – 350 миллиард теңге. Арақатынасы бірден бір дегеннен де төмен. Бұл акционерлердің 1 теңге салса, клиенттерден 1 теңгеден төмен сыйлықақыны алып отыр дегенді білдіреді. Шетелдік инвесторларды біздің нарығымызға тарту үшін, біз триллион теңге сыйлықақыларды алуымыз керек, яғни 1 теңгеге тең салынған инвестициялардың нәтижесі кемінде 3 теңге сыйлықақыны алып келу керек. Экономикалық тұрғыда олар барлығын да есептеп қойды, және де қазір олар үшін біздің нарығымызға келу пайдасы жоқ.

Инвесторлар үшін (шетелдік, сондай-ақ отандық) біздің нарығымызды максималды түрде тартымды етіп жасау керек, олардан қорқудан керегі жоқ. Сақтандыру ісін оқыту кезінде бұрынғы КСРО-ның Мемлекеттік сақтандырумен жазылған кітаптардан алынған деген қорытынды жасауға болады. Бұл білімдер бізде де толып жатқан сияқты. Олардың бізден артықшылығы сатулардың заманауи технологияларын атап өтер едім, IT – міне біз үшін пайдалы ақпарат. Біз енді жасағалы отырған қадамымыз осы, осыны әлі үйренуіміз керек. Өнімдерді есептеу бізге қиындық туғызбайды, бізге технологиялар қажет, телефон, Интернет, QR-код арқылы сату және т.б.

Әзірше шетелдік инвесторлар үшін біздің нарығымызға шығуға экономикалық пайдалылығы жоқ, олар: «Сіздердің қашықтықтарыңыз бен 18 миллионнан артық халқыңызбен бізге халықтың тығыздығы жоғары, барлығы да шағын, шығындары аз болған Вьетнамға, Моңғолияға, Қырғызстанға, Украинаға шығу әлдеқайда тиімді», – деп айту мүмкін.

Ал біздің мақсатымыз қандай? Инвестициялар мен инвесторлар үшін күресу, бұл бизнесті дамыту үшін жаңа перспективалар, жаңа технологиялар, жаңа кезең, оның ішінде біздің азаматтарымыз үшін жаңа жұмыс орындары ғой. Олардан қорқудың мәні жоқ. Келе берсін – біздің прогресіміз үшін келе берсін.

Біздің мақсатымыз – нарықты дамуымен айналысу, оны қалай жасау керектігін түсініп отырмыз. Ол үшін сақтандыруға қатысты мемлекеттік саясатты қайта қарастыру қажет, өйткені қазіргі таңда бар назар банк секторына аударылған. Бірақ барлық жақтан да теңгерім қажет екені баршаға мәлім – банктік, сақтандыру нарығы және Бағалы қағаздар нарығы (БҚН).

- Біздің сақтандыру нарығымыз алдағы 10-20 жыл ішінде ұзақ мерзімді перспективада стратегиялық тұрғыдан қалай дамитын болады, қалай ойлайсыз?

- бұл тұрғыдан біз дамыған елдерден, тіпті біздің ең жақын көршіміз Ресейден де қалып бара жатырмыз. Бірақ олардың ақшалары да көбірек, табыстардың деңгейі де жоғарырақ екенін түсіну қажет. Біз бұл бөлік аса маңызды екені туралы айтқан болатынбыз. Ресейде реттеу аса қатал емес, сақтандыру компанияларының клиенттері үшін салық жеңілдігі де бар. Біз де реттеу деңгейі бойынша тең болуы үшін арбитражды жоюымыз керекпіз, ал табыс деңгейіне келетін болсақ, мұнда жеке тұлғалар үшін салықтық ынталандыруды енгізу керекпіз. Компаниялар жақсы табыспен өнімдерді ұсынуға дайын, біздің азаматтарымыз өздеріне өздері қамқор бола алатындай, сақтандыруда табыс таба алатындай етіп адамдар үшін жеңілдікті ұсынуымыз қажет, қандай да бір қайта реттеуді енгізуіміз қажет. Сонда ғана олар мемлекеттен қайта-қайта сұрамайтын болады: сақтандыру компаниялары олардың емін, балаларының оқуын төлеп, өмірге қауіпті жағдайларында өмір сүрмеуі үшін баспанаға да қаражат береді. сақтандырудан түсетін пайданы қолмен ұстап көре алмайсын, ол банктегі депозит сияқты, адамдар бұл пайданы кейінірек ала алады, сондықтан бұл жағдайда дәлелдеу де қиын, сақтандыруды дамыту және оны насихаттау бойынша мемлекеттік саясат қажет.

Ал әзірше біз ештеңеге де қарамастан жұмыс жасап, өсіп келеміз. Бизнестің, әсіресе қазіргі таңда сақтандыру нарығының өсуінің драйвері болып табылатын Life-сақтандырудың тиімділігін көрсетіп отырмыз. Белгілі бір алға жылжу және ағымдық жағдайды реттеушімен түсінуі бар, және біз Батыстағыдай заманауи өнімдерді сататын боламыз. Бір пакетте сақтандыру және қаржы құралдары болған кезде қаржы-сақтандыру ұйымдары ретінде дамитын боламыз. Life-компаниясына келгенде, адамдар сақтандыруды да, қаржы құралын да ала алады, сонымен қатар «қысқа» және «ұзақ» құралдарын таңдау мүмкіндігіне ие болады. Жеке құралдарды таңдау немесе әр түрлі ұйымдарға жеке-жеке (банкке немесе брокерге) бармас үшін кешенді өнімді алу мүмкіндігі болады. Ол өзінің зейнетақысын, баланың тойы мен біліміне ақшаны жинақтап, барлық өмір жағдайларында қаржылай қорғанысқа ие болады.

Біз Standard Life отбасы компаниясына айналғаның қалаймыз. Бала туылады, біз оны туғаннан бастап қартайған шағына дейін алып жүреміз, ал кейін оның балалары мен немерелерімен бірге боламыз. Ұрпақтан ұрпаққа. Олардың байлығын, еліміздің байлығын қорғап, көбейтеміз.

- Ержан Еркенұлы тағы бір сұрақ. Сіздің мүмкіндігіңіз болса, тағы қандай мамандықты меңгеріп алар едіңіз? Мүмкін Сізде біз білмейтін сүйікті ісіңіз немесе талантыңыз бар шығар?

 - Бір кездерде мен гитараны шертуді үйренген едім, кейін оны тастап кеттім – менде материалдық ойлау қабілетім бар. Актер немесе  шешен болғанды қалар  едім. Ал менің жалпы педагог қабілетім бар. 2005 жылдан бастап мен Актуарлық курстарда және басқа да пәндерден дәріс оқимын. Студенттерім де бар, диплом жазатын шәкірттерім де бар.

-  Ал Сіз қазір алып отырған орныңыз – бұл жай ғана жолыңыздың бір бөлігі ме? Сіз әрі қарай тағы нені қалар едіңіз?

- Әрі қарай мен акционер ретінде қалыптасқым келеді. Бұл менің бұрыннан мақсатым. Негізгі акционер бола алмайтын шығармын, бірақ ірі акционер болуға тырысамын. Бірақ бұл әлі алда ғой. Содан кейін басқа мақсат болады. Бірте-бірте жетерміз.

Бөлісу
Сондай-ақ, қараңыз
«МАК» ӨСК» АҚ 100% жай акциялары сатылымға қойылды
«МАК» ӨСК» АҚ 100% жай акциялары сатылымға қойылды

e-auction.gosreestr.kz электрондық сауда алаңында «Мемл...

Ең қызықты материалдар сіздің электронды поштаңызда. Біздің жаңалықтарға жазылыңыз.

Сарапшыға сұрақ қойыңыз
Сарапшыға сұрақ қойыңыз
Өтініш қалдыру