Жинақтардың өсуі зейнетақы жарналарының түсуі және инвестициялық табыс есебінен қамтамасыз етілді. Бір жыл ішінде салымшылардың жеке және шартты зейнетақы шоттарына 3 085,73 млрд теңге көлемінде жарна түсті. Бұл өткен жылдың сәйкес кезеңімен салыстырғанда 19,2%-ға немесе 496,50 млрд теңгеге көп.
Төлемдер мен аударымдар
2025 жылдың 11 айында БЖЗҚ-дан барлық жарна түрлері бойынша төлемдер мен сақтандыру ұйымдарына аударымдар көлемі 1 697,09 млрд теңгені құрады. Бұл өткен жылғы көрсеткіштен 50,5%-ға немесе 569,24 млрд теңгеге артық. Жасына байланысты төлемдер 12 айда 19,5%-ға өсіп, 221,55 млрд теңгені құрады. Айта кетейік, зейнет жасына жетуіне байланысты БЖЗҚ-дан төлем кестесі бойынша орташа айлық төлем сомасы 35 726 теңгені құрады.
Жыл басынан 1 желтоқсанға дейін тұрғын үй жағдайын жақсарту және емделу үшін біржолғы зейнетақы төлемдері (БЗТ) — 1 009,68 млрд теңге, мұрагерлік бойынша төлемдер — 56,59 млрд теңге, Қазақстан Республикасынан тыс жерге тұрақты тұруға кетуге байланысты төлемдер — 40,34 млрд теңге, мүгедектігі бар адамдарға төлемдер — 2,85 млрд теңге, жерлеуге арналған төлемдер — 9,65 млрд теңге көлемінде жүзеге асырылды. Сақтандыру ұйымдарына 356,43 млрд теңге аударылды.
Фото: ашық дереккөздерден
