2021 жылы әлемде гендерлік ара қатынас 100 әйелге 101,7 ер адамды құрады. 1957 жылға дейін әйелдер ерлерге қарағанда көбірек болды. Осы жылдар ішінде ерлер мен әйелдердің арақатынасы өсті: 1950 жылы 100 әйелге шаққанда 99,7 еркектен 2011 жылы ең көп дегенде 101,7 еркекке дейін. 2100 жылы коэффициент 100,3-ке дейін төмендейді деп күтілуде.
Көптеген елдерде ерлерге қарағанда әйелдер көп. Бірақ халқы ең көп екі ел, Қытай мен Үндістанда ер адамдар саны айтарлықтай жоғары. Дәл осы елдер әлемде ер адамдар санының басым түсуін анықтайды.
Балалар мен жастардың жас топтары бойынша ерлер жынысының пайдасына неғұрлым айқын гендерлік теңсіздік жасөспірімдер арасында байқалады. Мәселен, 2021 жылы туғаннан 4 жасқа дейінгі әрбір 100 қызға 106,3 ұл, 5 жастан 9 жасқа дейін 106,6, 10 жастан 14 жасқа дейін 106,9, 15 жастан 19 жасқа дейін 107,1 ұл баладан келеді. Жастар арасында жағдай былайша көрінді: 20-24 жас аралығындағы 100 қызға шаққанда 106,7 жігіт, 25 пен 29 жас аралығында – 106,2.
Топ неғұрлым үлкен болса, ерлердің әйелдерге қарағанда басымдығы соғұрлым тез азаяды және осылай 50 жасқа дейін. Осы кезден бастап әйелдер саны еркектерге қарағанда басым бола бастайды. Мәселен, 2021 жылы 50-ден 54 жасқа дейінгі жас санатындағы 100 әйелге 99,8 ер адам, 60 пен 64 жас аралығында – 95,4 ер адам, 70 пен 74 жас аралығында – 86,1 ер, 80 мен 84 жас аралығында – 70,4 ер адам болды.
Неғұрлым айқын айырмашылық ең кәрілікте байқалады: 85-тен 89 жасқа дейінгі егде жастағы адамдар санатында 2021 жылы 100 әйелге 60,7 ер адам, 90 жастан 94 жасқа дейін – 48,7 ер адам, 95 жастан 99 жасқа дейін - 36,7 ер адам, 100 жастан жоғары - бар болғаны 27,8 ер адам.
Дереккөзі: https://ranking.kz/digest/world-digest/kak-menyaetsya-sootnoshenie-chislennosti-muzhchin-i-zhenschin-v-mire.html
Сурет ашық дереккөздерден
