Өмірді сақтандыру жөніндегі компанияны таңдай отырып, түрлі полистердің бағасын зерттеу керек. «Көптеген компаниялар өздерінің сайттарында төмен мөлшерлемелерді көрсетеді, бірақ медициналық тексерістен өткеннен кейін олардың клиенттері жиі полистің өте жоғары құнын алады, – дейді AccuQuote Өмірді онлайн-сақтандыру ұлттық агенттігінің бас директоры Байрон Уделл. – Мұндай сәйкессіздіктен кейін кейбір әлеуетті клиенттер өмірді ерікті сақтандырудан көңілдері қалады және сала өнімдерінен бас тартады».
Бiр өтiнiш берушi үшiн өмiрдi сақтандыру жөнiндегi тарифтер әртүрлi компанияларда айтарлықтай айырмашылығы болуы мүмкiн. Кейбір ӨСК белгілі бір ауруға шалдыққандарға жақсы тарифтер бере алады. Темекі шегушілерге немесе жүрек-қан тамыры аурулары бар адамдарға жеңілдіктер жасайтын сақтандырушылар бар. «Мысалы, егер Сіз диабетке шалдыққан болсаңыз, Сіз бір компанияда екіншісімен салыстырғанда екі-үш есе көп төлей аласыз», – дейді AccuQuote компаниясынан Уделл.
Бұдан басқа, компанияның қаржылық көрсеткіштерін жіберіп алуға болмайды. Өйткені, полисті сатып алу кезінде клиент он жылдыққа созылатын ұзақ мерзімге шарт жасасады. Бұл жерде рейтингтік агенттіктердің – S&P, A.M. Best, Moody's, Fitch Ratings бағалауы маңызды рөл атқарады. «Өткен нәтижелер болашақ оң серпінге кепілдік бермейді, бірақ төлем қабілеттілігі жоғары сақтандырушылар жақсы жұмыс істейтін болады», – дейді түрлі нарықтарда аналитиканы ұсынатын Veralytic компаниясының негізін қалаушысы Барри Флэгг.
Дереккөзі: https://www.forbes.com/advisor/life-insurance/choose-right-company/
Фотосурет ашық дереккөздерінен алынды
