Сақтандыру нарығы бойынша таза пайда 2024 жылғы қыркүйекте сақтандыру және инвестициялық қызметтен түскен кірістер есебінен 23,2 млрд теңгені құрады (2024 жылдың басынан бастап – 156,6 млрд теңге).
"2024 жылдың басынан бастап жеке және заңды тұлғалар бойынша жасалған сақтандыру шарттарының саны 16,9 млн шартты құрады, бұл 2023 жылдың сәйкес кезеңімен салыстырғанда 35,8% - ға артық. Негізгі өсім жазатайым оқиғалардан сақтандыру (3,9 млн шарт, 160,4% өсім) және өмірді сақтандыру (497,3 мың шарт, 22,0% өсім) жөніндегі шарттарға тиесілі", - делінген ҚНРДА релизінде.
Сақтандыру (қайта сақтандыру) шарттары бойынша қабылданған сақтандыру сыйлықақылары 2024 жылғы қыркүйекте 117,2 млрд теңгені құрады. 2024 жылдың басынан бастап сақтандыру сыйлықақылары 1,0 трлн теңгені құрады, бұл 2023 жылдың сәйкес кезеңімен салыстырғанда 49,5% - ға артық. Көрсетілген кезеңдер үшін сақтандыру сыйлықақыларының көлемінің ұлғаюы жасалатын сақтандыру шарттары санының өсу үрдісіне сәйкес келеді және елде, әсіресе ерікті түрлерде сақтандыруға сұраныстың артқанын көрсетеді.
Сақтандыру сыйлықақыларының өсуінің негізгі драйвері ерікті жеке сақтандыру сыныптары, сақтандыру сыйлықақыларының көлемі болып табылады, олар бойынша 2024 жылдың 9 айында 546,3 млрд теңгені құрады, бұл негізінен зейнетақы аннуитеттік сақтандыру бойынша сыйлықақылардың ұлғаюына байланысты өткен жылдың сәйкес кезеңімен салыстырғанда 123,3% - ға артық.
Ашық дереккөзден алынған сурет
