bs-preloader__icon
ru kz en

Онлайн-страхование в Казахстане

Қазақстан Парламентінің Мәжілісі сәрсенбі күні пленарлық отырыста «Сақтандыру және сақтандыру қызметінің мәселелері бойынша кейбір заңнамалық актілерге өзгерістерді және толықтыруларды енгізу туралы» заң жобасын екінші оқылымда мақұлдады, деп хабарлайды "Интерфакс-Қазақстан" агенттігі.
Қазақстанда онлайн-сақтандыруды енгізу туралы заң жобасы мақұлданды

Заңнамалық түзетулер халық пен кәсіпорындарға сақтандыру компанияларының кеңсесіне бармай-ақ және агенттердің делдалдық қызметтерісіз Интернет арқылы сақтандыру шарттарын жасасуға мүмкіндік береді. Мысалы, полисті сақтандыру компаниясының сайты арқылы онлайн режимінде сатып алуға болады. Төлем жасалғаннан кейін клиентке Бірыңғай сақтандыру деректер базасымен берілетін сақтандыру шартының бірегей нөмірі беріледі.

Өмірді сақтандыру әлеуметтік маңызы бар өнімдері бойынша сақтандыру төлемдердің қосымша кепілдігі енгізіледі. Зейнетақы аннуитеттері және еңбекке жарамсыз болып қалған қызметкерлердің аннуитеттері бойынша сақтандыру төлемдері бойынша міндеттемелерді атқару қормен кепілдендіру қарастырылады. Кепілдік сақтандыру компаниясын жою кезеңінде барлық міндеттемелерді басқа сақтандыру компаниясына бапсырғанға дейін әрекет етеді.

Мәжілістің қаржы және бюджет жөніндегі комитетінің қорытындысында сақтандыру саласындағы заңнаманы жетілдіруді, сонымен қатар отандық қор нарығының белсендірілуін, оның өтімділігінің, тиімділігі мен бәсекеге қабілеттілігінің артуын қарастыратын түзетулер енгізілген деп түсініктеме берілген.

Түзетулер өмірді сақтандыру компанияларының кепілдендіру жүйесіне қатысуға, аннуитеттік төлемдерді кепілдендіру тәртібін анықтауға, бір жыл ішінде сақтандыру оқиғалардың санына қарамастан сақтандыру полистің әрекет етуінің үздіксіздігі принципін қамтамасыз етуге, сонымен қатар көлік құралы иелерінің азаматтық-құқықтық жауапкершілігін міндетті сақтандыру аясында жәбірленушінің өмірі мен денсаулығына келтірілген зиян үшін сақтандырушының жауапкершілігінің лимитін арттыруға бағытталған.

Заң жобасы жұмыс берушілер үшін икемді сақтандыру тарифтерін белгілеу арқылы өндірістің қауіпсіз жағдайларын жасауға түрткі болады деп болжамдайды. Құжат әрі қарай қарау үшін Парламенттің сенатына жолданды.

Дереккөзі: Интерфакс-Қазақстан. 

Фотосурет: mikrozaimfinans.ru, vseofinansah.ru сайттарынан алынды

Бөлісу
Сондай-ақ, қараңыз
Сақтандырудың жаһандық нарығы 2017 жылы 3,7%-ға 3,7 трлн. евроға дейін өсті
Сақтандырудың жаһандық нарығы 2017 жылы 3,7%-ға 3,7 трлн. евроға дейін өсті

Өмірді сақтандырудың қосымша сыйлықақыларыны...

Қазақтар АҚШ үкіметінде жұмыс істеп жатыр
Қазақтар АҚШ үкіметінде жұмыс істеп жатыр

Америкада қазақ ұлт өкілдері әртүрлі іс-әреке...

Ең қызықты материалдар сіздің электронды поштаңызда. Біздің жаңалықтарға жазылыңыз.

Сарапшыға сұрақ қойыңыз
Сарапшыға сұрақ қойыңыз
Өтініш қалдыру