ҚР СЖРА Ұлттық статистика бюросының деректері бойынша, 2022 жылы 975 мыңнан астам қазақстандық шетелге саяхаттаған, бұл 2021 жылмен салыстырғанда 11% - ға артық. 2023 жылдың соңына қарай шетелге шыққан қазақстандық туристер саны 1,5 млн.астам азаматты құрайды деп күтілуде.
Freedom Life ӨСК зерттеуі барысында 2023 жылы жаңа жылдық турлардың бағасы былтырғы ұсыныстармен салыстырғанда айтарлықтай өскені белгілі болды.
Ашық көздерден алынған мәліметтерге сәйкес, Үндістан, БАӘ, Египет және Түркиядағы "тек таңғы ас" деп белгіленген 3-4 жұлдызды қонақүйлерде бір апталық демалыс ең арзан. Қазақстандықтар үшін ең қымбат демалыс Доминикан, Индонезия және Мальдив аралдарында болады.
Дайын турларды сатып алудан басқа, қазақстандықтар шетелге барар алдында төлқұжат, виза және медициналық сақтандыру сияқты басқа да қызметтерге шығынданады.
2022 жылы шетелге шығатын қазақстандықтардың паспорты мен визасын алуға жалпы сома 2,2 млрд теңгеден асты.
ҚР Ұлттық Банкінің деректері бойынша 2023 жылғы 1 қазандағы жағдай бойынша туристерді міндетті сақтандыру бойынша сақтандыру сыйлықақыларының жалпы сомасы 5,4 млрд теңгені, ерікті сақтандыру бойынша – 3,2 млрд теңгені құрады.
2023 жылы міндетті туристік сақтандыру құны-болу еліне, күндер санына, маршрутқа және басқа факторларға байланысты орта есеппен 9-11 мың теңге. Көбінесе міндетті туристік сақтандыру турдың құнына кіреді.
Ашық дереккөздерден алынған сурет
