Комиссия отырысы Үндістан премьер-министрі Нарендра Моди ел экономикасын қолдау мақсатында АҚШ-пен сауда қақтығысы аясында GST мөлшерлемелерін айтарлықтай төмендететінін жариялағаннан бірнеше күннен кейін өтті.
Бихар штатының бас министрінің орынбасары Самрат Чаудхари Нью-Делидегі отырыстан кейін комиссия жеке тұлғаларға арналған медициналық және өмірді сақтандыруға қолданылып келген 18% мөлшерлемені алып тастауды ұсынғанын мәлімдеді.
Соңғы шешімді барлық штаттардың қаржы министрлері кіретін және федералды қаржы министрі басқаратын GST кеңесі қабылдайды.
GST кеңесінің отырысы қыркүйек немесе қазан айында, елдегі ең ірі сауда маусымы саналатын Дивали мерекесіне дейін өтеді деп күтілуде.
Телангана штатының қаржы министрі Малллу Бхатти Викрамарка атап өткендей, медициналық және өмірді сақтандыруға салынатын GST-ны алып тастау бюджет кірістерінің 97 млрд рупийге (1,11 млрд доллар) азаюына әкелуі мүмкін.
Келесі отырыста министрлер 2017 жылы енгізілгеннен бергі салық жүйесіндегі ең ірі реформаны да талқылайды деп жоспарлануда.
Дереккөз: Reuters
Фото ашық дереккөздерден
