Қазақстанда өмірді сақтандырудың әлеуметтік маңызды өнімдері бойынша сақтандыру төлемдерінің қосымша кепілдігін енгізу жоспарлануда. Бұндай шара «Сақтандыру және сақтандыру қызметі мәселелері бойынша ҚР кейбір заңнамалық актілеріне өзгерістер мен толықтырулар енгізу туралы» заң жобасы шегінде қарастырылған. Бұл туралы мәжілістің пленарлық отырысында Ұлттық банк төрағасы Данияр Акишев, мәлімдеді, деп Kapital.kz іскерлік ақпарат орталығы хабарлады.
«2015 жылдың мамыр айында өндірісте жазатайым оқиғаларддан қызметкерді міндетті сақтандыру бойынша заңға өзгерістер енгізілген. Құрметті, депутаттар, бұл заң сіздердің естеріңізде бар. Біз оны Парламентте талқылаған болатынбыз. Мемлекет, жұмыс беруші және сақтандыру компаниясы арасындағы жауапкершіліктің оңтайлы теңгерімі табылған болатын. Бұл болашақта жүйенің тұрақтылығын қамтамасыз етуге мүмкіндік берді. Бірақ аннуитеттер бойынша жинақтар үшін кепілдіктердің қосымша механизмдері қажет», - деп белгіледі ол.
Заң жобасымен еңбек қабілеттілігін жоғалтқан жұмысшылардың аннуитеттері мен зейнетақы аннуитеттері бойынша сақтандыру төлемдері бойынша міндеттемелерді Қордың кепілді орындауы қарастырылған. «Кепілдік сақтандыру компаниясын жою кезеңінде барлық міндеттемелерді басқа компанияға беруге дейін әрекет етеді. Бұл түзетулер алушыларға өз қаражаттарын Қордан уақытылы алуға мүмкіндік береді. Сақтандыру нарығының ары қарай толық құнды дамуы үшін шарттар құру мақсатынла заң жобасы сонымен қатар басқа да түзетулерді қарастырады», - деп нақьтылады Данияр Ақышев.
Есте сала кетсек, депутаттар «Сақтандыру және сақтандыру қызметі мәселелері бойынша ҚР кейбір заңнамалық актілеріне өзгерістер мен толықтырулар енгізу туралы» заң жобасын мақұлдаған
Ақпарат көзі: https://kapital.kz/economic/67263/v-kazahstane-hotyat-vvesti-dopolnitelnuyu-garantiyu-strahovyh-vyplat.html
Фотосурет көзі: http://etoday.kz
