Бәрі тек жақсы генетикаға байланысты емес. РФ Денсаулық сақтау министрлігінің бас гинекологы, РҒА академигі Лейла Адамянның пікірінше, қартаюдың молекулалық-биологиялық процестерін адамның өзі бақылауға алады.
«Біздің денсаулығымыз бен өмір ұзақтығымыздың 50%-ы эпигенетикаға байланысты — яғни қалай өмір сүретінімізге, не жейтінімізге, қандай әдеттеріміз бар екеніне. Медицина 20%-ға, күйзеліс 15%-ға, генетика тағы 15%-ға әсер етеді», — деп атап өтті академик.
Әлемдегі көптеген ұзақ жасаушылардың өмір салтында ұқсастықтар бар: олар 100 жасқа дейін және одан да ұзақ белсенді өмір сүреді.
Ольга Ткачева бұрын «көк аймақтар» деп аталатын жерлердегі тұрғындардың әдеттері туралы айтқан еді. Бұл – адамдардың орташа өмір жасынан әлдеқайда ұзақ өмір сүретін шағын өңірлер.
Гериатр атап өткен ұзақ жасаушылардың негізгі қағидалары:
-
Үнемі қозғалыста болу. Физикалық белсенділік кез келген болуы мүмкін: күнделікті жылдам жүріспен серуендеу, бақша күту, баспалдақпен көтерілу және тағы басқа.
-
Өмірде әрдайым мақсат болуы. Бұл сүйікті іс, еріктілік, немерелерді тәрбиелеу болуы мүмкін.
-
Аз күйзелу және позитивті болу. Стресті азайтуға медитация, дұға, түскі тынығу (сиеста) сияқты тұрақты тәжірибелер көмектеседі.
-
«80% ережесі» бойынша тамақтану. Яғни асқазан 80%-ға толғанда, дастарқаннан тұрып кету.
-
Растителді тағамға басымдық беру. Ұзақ жасаушылар көкөніс, жеміс-жидек, бұршақ тұқымдастар, тұтас дәнді дақылдарды жиі тұтынады.
-
Алкогольді шамадан тыс қолданбау. Кейбір ұзақ жасаушылар бір бокал шараптан бас тартпайды, бірақ мөлшерден асырмайды.
-
Отбасыны бірінші орынға қою. «Көк аймақтарда» ұзақ жасаушылар көбіне жарларына адал, жақындарына қамқор, балалар мен немерелеріне уақыт пен махаббат арнайды.
-
Өзіңді дұрыс адамдармен қоршау. Яғни қимылды жақсы көретін, салауатты әдеттері бар, өмірге позитивті қарайтын адамдармен бірге болу.
Дереккөз: Doctorpiter.ru
Фото ашық дереккөздерден алынған
