Бұл оқиға компанияның дамуындағы маңызды кезең болды. Бұған дейін МАК басшылығы қайта сақтандыру қызметіне лицензия алу бойынша жүргізіліп жатқан жұмыстар туралы хабарлаған еді.
Бұл компанияға сақтандыру нарығының басқа қатысушыларынан сақтандыру тәуекелдерін қабылдауға, қайта сақтандыру сыйлықақыларының өсуін қамтамасыз етуге мүмкіндік береді. Өз кезегінде, бұл «Demeu» жинақтаушы өмірді сақтандыру өнімін ілгерілетумен, зейнетақы аннуитеттерін қайта іске қосудың, сондай-ақ қызметкерлерді еңбек міндеттерін орындау кезінде жазатайым оқиғалардан сақтандырумен қамтуды арттырудың нәтижесінде 2026 жылы сақтандыру сыйлықақыларының көлемі 13,7 млрд теңге деңгейінде болады деп болжануда.
Сонымен қатар, 2026 жылы МАК қызметінің стратегиялық бағыттарының бірі табиғи апаттардан тұрғын үйді міндетті сақтандыру қорын құру болмақ. Бұл жобаны іске асыру үшін компанияның жарғылық капиталын ұлғайту, ішкі құжаттарға өзгерістер енгізу және тиісті үкімет қаулысын әзірлеу жоспарлануда.
