"Қазақстан Ұлттық Банкі онлайн-ойындар арқылы осы банк карталарын ұрлаудың жиілеп кеткен жағдайлары туралы хабарлайды. Шабуылдаушылар өздерін компания қызметкерлері немесе ойын әкімшілері ретінде таныстыра отырып, балаларға сыйақы беру сылтауымен банк карталарының деректемелерін (карта нөмірлері, CVV кодтары, сондай - ақ SMS кодтары) сұратады", - деп атап өтті ҰБ.
Осыған байланысты Қазақстан Ұлттық Банкі ата-аналарға балалармен жеке ақпаратты, банк карталарының деректерін, растау кодтарын үшінші тұлғаларға беруге жол бермеу туралы түсіндірме әңгіме жүргізуді ұсынады, бұл ретте интернет-алаяқтықтың алдын алу мақсатында балалардың мобильді құрылғыларында ата-ана бақылауын орнату ұсынылады.
Ұлттық банк сонымен қатар азаматтарды сақ болуға және құпия ақпаратты бермеуге, күдікті хабарламаларға жауап бермеуге, сондай-ақ келіп түскен сұраулардың дұрыстығын міндетті түрде екі рет тексеруге шақырады.
Сонымен қатар, күмәнді сілтемелерді шарлаудан, белгісіз файлдарды ашудан және HopToDesk, rustdesk, RUDesktop, AnyDesk, TeamViewer және ұқсас бағдарламалар сияқты қашықтан қол жеткізу қолданбаларын орнатудан аулақ болу керек.
Қазақстан Ұлттық Банкі жеке тұлғалардың шоттарына қызмет көрсетпейді, азаматтарды кредиттеумен айналыспайды, заң қызметтерін ұсынбайды, сондай-ақ халықпен ақшалай есеп айырысулар жүргізбейді.
Мемлекеттік органдардың немесе Қазақстан Ұлттық Банкінің қызметкерлерінен қоңыраулар түскен кезде үшінші тұлғалар тарапынан алаяқтық әрекеттерді болдырмау үшін әңгімені үзу және қажет болған жағдайда мемлекеттік органның ресми нөмірі бойынша өз бетінше жүгіну ұсынылады.
Ашық дереккөзден алынған сурет
