Еңбек қызметіне байланысты барлық жазатайым оқиғалардың үштен бір бөлігінен астамы Қарағанды облысына (433 зардап шеккен) және ШҚО-ға (302 зардап шеккен) тиесілі болды.
Сақтандыру компаниялары 2020 жылдың қаңтар-мамыр айларында қызметкерлерді жазатайым оқиғалардан міндетті сақтандыру сегментінде 14,1 млрд теңгеге сыйақы жинады. Бұл өткен жылдың сәйкес кезеңімен салыстырғанда 9,9%-ға артық. Міндетті сақтандыру бойынша барлық жиналған сыйлықақылардың үлесі бір жылда 28,5%-дан 32%-ға дейін өсті.
Сектордағы төлемдер көлемі, керісінше, бірден 23,5%-ға қысқарып, 2020 жылдың қаңтар-мамыр айларында 1,6 млрд теңгені құрады. Міндетті сақтандыру бойынша төлемдердің жиынтық көлемінен үлесі 14,6%-дан 12%-ға дейін қысқарды.
Секторда жұмыс істейтін сақтандыру компаниялары арасында барлық сыйлықақылардың жартысына жуығы өмірді сақтандыру бойынша екі компанияға тиесілі: «Nomad Life» (3,8 млрд теңге) және «Халық-Life» (3,1 млрд теңге).
«Еуразия» ӨСК жиналған сыйлықақылар көлемі бойынша өткен жылмен салыстырғанда 2,9 есеге артып, 1,2 млрд теңгеге жетті
Сақтандыру төлемдерінің көлемі бойынша қызметкерлерді жазатайым оқиғалардан міндетті сақтандыру сегментінде «Халық-Life» (372,2 млн теңге), одан кейін «Nomad Life» (338,2 млн теңге) және «Еуразия» (169,1 млн теңге) көш бастап тұр. Осы үш компанияға сегменттегі барлық төлемдердің 55% тиесілі.
Фотосурет ашық дереккөздерінен алынды
