bs-preloader__icon
ru kz en

Ресейде өмірді үлестік сақтандыру туралы заң жобасы әзірленді

РФ Қаржы министрлігі ресейлік сақтандыру нарығында инвестициялық құрамдас бөлігі бар сақтандырудың жаңа түрін – өмірді үлестік сақтандыруды (ӨҮС) енгізуді қарастыратын заң жобасын әзірледі. Тиісті құжат нормативтік актілер жобалары порталында жарияланды, деп хабарлайды Forbes.ru.
Ресейде өмірді үлестік  сақтандыру туралы заң жобасы әзірленді

ӨҮС сақтандыру қорғанысын беруді, сондай-ақ төленген сақтандыру сыйлықақысының бір бөлігін таңдалған активтерге инвестициялау және инвестициялық кіріс алу мүмкіндігін білдіреді. «Өмірді ұзақ мерзімді сақтандырудың қолданыстағы түрлерінен – өмірді жинақтаушы сақтандырудан және инвестициялық өмірді сақтандырудан айырмасы, ӨҮС кең ауқымды активтер тізбесіне қаражат салуға мүмкіндік береді. Бұл әлеуетті түрде жоғары табыстылықты қамтамасыз ете алады және ӨҮС-ды экономикалық жағынан неғұрлым тартымды құрал етеді», - деп түсіндірді Қаржы министрлігінің баспасөз қызметі.

Мұндай шарт жасасу үшін сақтандырушы өмірді ерікті сақтандыруды жүзеге асыруға арналған лицензияны, сондай-ақ инвестициялық қорларды, инвестициялық пай қорларын және мемлекеттік емес зейнетақы қорларын басқаруға арналған лицензияны алуы керек, деп хабарлады баспасөз қызметі. Бұл заң жобасын қабылдау, Қаржы министрлігі күткендей, өмірді ерікті сақтандыру сегментін дамытуға, инвестициялау және жинақтау құралдарын кеңейтуге, сондай-ақ қаржы нарығындағы бәсекелестікті дамытуға ықпал етеді.

Өткен жылдың жазында Центробанк өмірді үлестік  сақтандыруды іске қосу жоспарлары туралы хабарлаған: ол сақтандыру компанияларына, Қаржы министрлігіне және Қор нарығына қатысушылардың ұлттық қауымдастығына хаттар жолдады, онда 2022 жылдың төртінші тоқсанынан бастап ӨҮС іске қосылатыны туралы хабарлады. Ресей Банкі осындай жоспарларды 2017 жылы қарастырған болатын.

Ресей Банкі ойластырғандай, ӨҮС тек білікті инвесторлар үшін қол жетімді болады және инвестициялық өмірді сақтандыру (ИӨС) және өмірді жинақтаушы сақтандыру (ӨЖС) қоса алғанда, сақтандыру инвестициялық полистерінің қатарына қосылады. Дегенмен, ӨҮС жағдайында инвестор неғұрлым жоғары тәуекелге тап болады. Мұндай сақтандыру Еуропалық  Unit-Linked сақтандыру полисі сияқты жұмыс істейтін болады – адам ұзақ мерзімді өмірді сақтандыру полисін сатып алады және бұл ақша әдетте инвестициялық қорлар арқылы әртүрлі активтерге салынады.

Дереккөз: https://www.forbes.ru/finansy/469281-minfin-razrabotal-zakonoproekt-o-dolevom-strahovanii-zizni

Фото ашық дереккөздерден алынған

Бөлісу
Сондай-ақ, қараңыз
Аннуитеттер: сатып алушылар нені білуі тиіс
Аннуитеттер: сатып алушылар нені білуі тиіс

Инвесторлар аннуитеттерге миллиардтаған долл...

Азамат Ердесов: инновациялар және өмірді сақтандыру
Азамат Ердесов: инновациялар және өмірді сақтандыру

www.lifeinsurance.kz порталы өмірді сақтандыру нарығын...

Ең қызықты материалдар сіздің электронды поштаңызда. Біздің жаңалықтарға жазылыңыз.

Сарапшыға сұрақ қойыңыз
Сарапшыға сұрақ қойыңыз
Өтініш қалдыру