«Біз жүргізген талдаудың нәтижелері клиенттер қазір қаржы ұйымдарына анықтамалардың және қағаз түріндегі мәліметтердің 40 түрін ұсынатындығын көрсетті. Бұл ақпараттың барлығы мемлекеттік органдардың жүйелерінде бар, қаржы ұйымдары оны мемлекеттік базалардан тікелей ала алады», –деп Қазақстан Ұлттық Банкінің төрағасы хабарлады. Акишевтің сөзінше, осы міндетті шешу аясында Ақпарат және коммуникациялар министрлігімен бірге тиісті жұмыс тобы құрылып, жол картасы жасалды және қажетті жұмыс жасалуда. Сонымен қатар қазақстандықтар қаржы институттарының бөлімшелеріне барудың қажеттілігі болмас үшін клиентті қашықтықтан сәйкестендіру жобасы іске асуда. «Бүгінгі таңда Ішкі істер, Әділет және Ақпарат және коммуникация министрліктерімен бірге биометриялық көрсеткіштер және мемлекеттік деректер базасынан мәліметтерді пайдаланумен клиенттерді онлайн-сәйкестендіру мәселелері қарастырылуда», – деп Акишев айтып берді. Оның сөзінше, онлайн-сақтандыруды ендіру жобасы халыққа сақтандыру компанияларының интернет-ресурстары арқылы электронды нысанда міндетті сақтандыру шарттарын жасасуға мүмкіндік береді.
Дереккөзі: https://tengrinews.kz/money/kak-kazahstanskie-banki-okonchatelno-izbavyat-ot-bumagi-348102/
