Фондтар үшін басты артықшылық — «мәңгілік капиталға» қол жеткізу. Сақтанушылар төлейтін жарналар ұзақ мерзімді әрі тұрақты ресурс болып саналады, ал бұл PE стратегиялары үшін мінсіз қаржы көзі. Қатаң капитал талаптары мен салықтан айналып өту үшін Apollo, Blackstone, Brookfield секілді алпауыттар сақтандыру активтерін офшорларға — Бермуд аралдары мен Кайманға жаппай аударып жатыр. 2024 жылы бұл бағытқа $130 млрд құйылып, жалпы көлемі $1,1 трлн-ға жетті.
Бірақ әдемі статистиканың көлеңкесінде қауіп те аз емес:
-
Өтімділіктің төмендігі: PE бақылауындағы сақтандыру компаниялары ликвидті активтерді аз ұстайды. Дағдарыс кезінде олар жаппай төлемдерді атқара алмауы мүмкін.
-
Даулы оқиғалар: 2024 жылы реттеушілер бес компанияға Miami-ге тиесілі 777 Partners қорына артық қаражат салуды қысқартуды талап етті.
-
2008 жылдың елесі: Жеке активтерге рейтингтер дәл сол кездегідей — нақты тәуекелді активке емес, қордың өзіне қарап беріледі. NAIC қазірдің өзінде рейтингтердің жоғарылатылғанын анықтап, ережелерді шұғыл қайта қарау үшін арнайы жұмыс тобын құрды.
Жоғарыдан келген ескерту
АҚШ сенаторы Элизабет Уоррен зейнетақы қаржысын PE-ге құюды «Уолл-стриттің баяу жарылатын бомбасы» деп атады. Оның айтуынша, бұл — мүлде ашық емес, активтердің нақты бағасын анықтау мүмкін емес жүйе, ал олар «ақша ең қажет кезде күйреп қалуы ықтимал».
Private Equity экспансиясы сенімділік пен тұрақтылыққа негізделген сақтандыру саласының бүкіл ландшафтын өзгертіп, жаңа, жасырын жүйелік қатер тудыруда.
Дереккөз: Global Finance
Фото: ашық дереккөздерден
