Кардиохирургиялық операцияларды қажет еткен ең жиі кездесетін аурулар — жүректің ишемиялық ауруы мен жүрекшелердің жыбырлама аритмиясы болды. Бұл диагноздармен жасалған өтініштердің үлесі шамамен 50%-ды құрады.
«Росгосстрах» компаниясында аса қатерлі аурулар бойынша сақтандыру арқылы жүрекке жасалатын операцияның орташа құны — шамамен 300 мың рубль (2 миллион теңгеден астам). Жылдық полистің орташа құны — 12 мың рубль (81,7 мың теңге). Ал кардиологиялық қауіп бойынша ұйымдастырылған ең қымбат емнің сомасы 1 миллион рубльге (6,8 миллион теңге) жеткен: дәл осы сомаға «Росгосстрах» Калининград қаласының клиентіне «аорталық стеноз» диагнозы қойылған соң аорталық қақпақты транскатетерлік имплантациялау операциясын және одан кейінгі оңалтуды ұйымдастырып, төлеген.
— Статистикаға сәйкес, ерлер жүрек-қан тамырлары ауруларына көбірек бейім. Аурушаңдыққа өмір салты мен зиянды әдеттер де әсер етеді. Әйелдер, әдетте, денсаулығына көбірек мән береді: спортпен шұғылданады, дұрыс тамақтануға тырысады және алдын алу мақсатында дәрігерге жиі барады. Ал ер адамдар көбіне тек ауру асқынғанда ғана маманға жүгінеді, — дейді «Росгосстрах» компаниясының жеке сақтандыру әдіснамасы және андеррайтинг департаменті директорының орынбасары Ольга Купцова. — Денсаулықты күту мен тұрақты тексерулерден бөлек, саналы өмір үшін қаржылық қауіпсіздік те маңызды. Ол үшін сақтандыру қажет. Әсіресе, аса қатерлі ауруларға арналған сақтандыру тек кардиохирургия мен нейрохирургияны ғана емес, онкологиялық аурулар сияқты шұғыл әрекет пен қаржыны қажет ететін қауіптерді де қамтуы мүмкін.
Сурет ашық дереккөздерден алынған.
