Сақтандырушылардың жиынтық активтері 2019 жылдан бастап 11,4%-ға (1 трлн 168,5 млрд теңгеге дейін) өсті. Бұл ретте активтер құрылымындағы басым үлесті бағалы қағаздар алады – 62,5%. Екінші деңгейдегі банктерде орналастырылған салымдарға жиынтық активтердің 16,7%-ы келеді, бұл ретте олардың көлемі шамалы – 2,2%-ға (194,6 млрд дейін) артты. Қайта сақтандыру активтері 25,7%-ға (83,1 млрд теңгеге дейін) қысқарды. Нәтижесінде олардың жиынтық активтердегі үлесі жыл басындағы 10,7%-дан 7,1%-ға дейін төмендеді.
Сақтандыру секторының жиынтық активтерінің елдің ЖІӨ-ге қатынасы жыл басындағы 1,70%-дан 1 қарашаға қарай 1,89%-ға дейін артты.
Сақтандырушылар міндеттемелерінің құрылымында сақтандыру резервтері басым. Оларға жиынтық міндеттемелердің 91,9% тиесілі болды. Бұл резервтердің жалпы көлемі жыл басынан бері 11,5%-ға (579,4 млрд.) өсті. Міндеттемелердің өзі 8,7%-ға (630,4 млрд дейін) артты.
Сақтандыру сыйлықақыларының жиынтық көлемі қараша айының басындағы деректермен салыстырғанда 31,0%-ға (416,2 млрд дейін) өсті. Бұл ретте тікелей сақтандыру шарттары бойынша қабылданған сыйлықақыға 379,8 млрд теңге тиесілі. Сыйлықақылардың негізгі үлесі ерікті жеке сақтандыруға – 41,0% (абсолюттік айқындалуында 170,5 млрд теңге) тиесілі. Міндетті сақтандыру бойынша сыйлықақы үлесі жиынтық көлемнің 24,3%, ал ерікті мүліктік сақтандыру бойынша – 34,8% құрады.
«Өмірді сақтандыру» саласында жиналған сақтандыру сыйлықақыларының көлемі жыл басынан бері 77,6%-ға (118,2 млрд дейін) шарықтап кетті, соның нәтижесінде олардың жиынтық көлемдегі үлесі жыл ішінде 21,0%-дан 28,4% дейін көтерілді.
«Жалпы сақтандыру» саласында өсім– 18,7% (297,9 млрд теңгеге дейін) аса әсерлі болмады. Қазақстанның ЖІӨ-ге (0,67%) қатысты сақтандыру сыйлықақыларының жиынтық көлемі өте қарапайым көрінеді, бірақ бұл көрсеткіштің мәні жыл басындағы 0,62%-дан аздап өсті. Жан басына шаққанда сақтандыру сыйлықақыларының 20 920,4 теңгеден 22 383,6 теңгеге дейін өсуі байқалады.
Сақтандыру төлемдері. Осы жылы өткен жылмен салыстырғанда сақтандыру төлемдерінің жалпы көлемі 82,3%-ға (106,1 млрд теңгеге дейін) өсті. Ең үлкен үлес ерікті мүліктік сақтандыру бойынша төлемдерге тиесілі – 41,7%, содан кейін ерікті жеке сақтандыру (31,4%) және міндетті сақтандыру (26,9%) ілесіп келеді.
Дереккөзі: https://365info.kz/2019/12/sokrashhenie-kompanij-poshlo-na-polzu-rynku-strahovaniya
Фотосурет ашық дереккөздерінен алынды
